اقتوتى رايىمقۇلوۆا ق ر مادەنيەت جانە سپورت ۆيسە-مينيسترى بولىپ تاعايىندالدى، - دەپ حابارلايدى  Qamshy.kz  Tengrinews.kz- كە سىلتەمە جاساپ.

"قازاقستان رەسپۋبليكاسى ۇكىمەتىنىڭ قاۋلىسىمەن اقتوتى رايىمقۇلوۆا ق ر مادەنيەت جانە سپورت مينيسترلىگىنىڭ ۆيسە-مينيسترى بولىپ تاعايىندالدى"، - دەلىنگەن حابارلامادا.

اقتوتى راحمەتوللا قىزى رايىمقۇلوۆا قۇرمانعازى اتىنداعى الماتى مەملەكەتتىك كونسەرۆاتورياسىنىڭ كومپوزيسيا جانە فورتەپيانو ماماندىقتارى بويىنشا تۇلەگى. كوپتەگەن مۋزىكالىق تۋىندىلاردىڭ اۆتورى، ولاردىڭ ىشىندە "ەل باقىتى"، "Apple of Peace"، "كوكجال قانتاتىسى"، "تولعاۋ"، "دالا سىرى" جانە "ءجاميليا"، سيمفونيالىق پوەمالارىنىڭ، "اسپان كوشى" ەكى اكتىلى بالەتى، "الاتاۋ" پەساسى، "سونعى سەزىم"، "تۇزدى ءشول"، "اباي"، "ەڭلىك-كەبەك"، "ابىلايحان"، "ادام بالاسى قايىن"، "ەستايدىڭ قورلانى"، "گاملەت"، "قورقىتتىن كورى"، 'سىعان سەرەناداسى" سەكىلدى سپەكتاكلدەرگە مۋزىكالىق تۋىندىلاردىڭ، فيلمدەر مەن سەريالدارعا ساۋندترەكتەردىڭ اۆتورى.

ءتۇرلى جىلدارى قۇرمانعازى اتىنداعى الماتى مەملەكەتتىك كونسەرۆاتورياسىنىڭ كونسەرتمەيتەرى جانە وقىتۋشىسى، قازاق مەملەكەتتىك قىزدار پەداگوگيگالىق ينستيتۋتىنىڭ وقىتۋشىسى بولىپ قىزمەت ەتتى. ق ر مادەنيەت مينيسترلىگىنىڭ مادەنيەت ىستەرى كوميتەتىنىڭ ءتورايىمى بولدى. 2014 جىلدان باستاپ قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى قىزمەتىن اتقاردى.