جەرلەۋ ءراسىمى وتكەننەن سوڭ ۇزىناعاشتا قايتىس بولعان جارقىنبەك دولادان ۇلىنىڭ وتباسىنىڭ بارلىق مۇشەلەرى توسەك تارتىپ، اۋىرىپ قالعان، -دەپ حابارلايدى Qamshy.kz. informburo.kz-كە سىلتەمە جاساپ. 

13-جاستاعى جالىن جۇرەك تالماسىمەن جاتىر. ال، جىگىتتىڭ اناسى 66 –جاستاعى  بيعايشا باكەش ءالى كۇنگە دەيىن  تاۋلىك بويىنا دارىگەرلەر قاراۋىندا. ول كىسىگە كۇنىنە بىرنەشە رەت سيستەما قويۋدا.

قازا بولعان ازامتتىڭ جەسىرى مايراش سادىرحان قىزى تاستاي قاتىپ قالعان. كورشىلەرىنىڭ سوزىنشە، ءالى كۇنگە دەيىن ەشكىمگە ءتىس جارىپ، سويلەمەگەن.  

قازا بولعان وتباسىنا قامقورلىق كورسەتۋدى  كورشىلەر ءوز مويىندارىنا العان.  

"جارقىنبەك ۇيدە تۇرمايتىن، وتباسىن اسىراۋ ءۇشىن كۇن-تۇن دەمەي جۇمىس ىستەدى. ءقازىر قانداي كۇيدە ەكەنىن كورىپ وتىرسىزدار عوي. كورشىلەرى قولدان كەلگەنشە كومەكتەسىپ جاتىرمىز. تاماق ءپىسىرىپ، ۇيلەرىن جيناپ، قاسىقپەن تاماق بەرىپ. وزدەرىنە بىردەڭە ەتىپ قويماسا ەكەن دەپ قورقامىز»، -  دەپ كۇرسىنەدى  كورشىلەرى نۇرجان حالىق.

شارۋاشىلىققا دا كورشىلەر كومەكتەسۋدە. "قايعى بارشا اۋىل تۇرعىندارىن بىرىكتىردى. ءبىز وسىنداي اۋىر كەزەڭدە ولاردى جالعىز قالدىرمايمىز دەپ شەشتىك. بىرەۋ اس ازىرلەسە، بىرەۋ كوڭىل ايتىپ كەلگەندەردى قارسى الۋدا، ەندى ءبىرى ءدارىحاناعا بارىپ ءدارى الىپ كەلىپ ءجۇر»، - دەيدى   توقتىباي باحىتقالي.

ەستەرىڭىزگە سالساق، 2016 جىلدىڭ 18 قىركۇيەگىندە الماتى وبلىسىندا اعايىندى ءۇش جىگىت جوعالىپ، كەيىننەن ءولى كۇيلەرىندە تابىلعان. مارقۇم بولعانداردىڭ دەنەلەرىنەن زورلىق بەلگىلەرى تابىلعان. ولاردىڭ ەكەۋىنىڭ قىلمىسكەرلەر باسىنان اتسا، ەندى بىرەۋىنىڭ كەۋدەسىنەن اتقان. كۇدىكتىلەردى 2016 جىل قىركۇيەكتىڭ 27 قۇرىقتادى. پوليسيا اقپاراتى بويىنشا، ولار الماتى وبلىسى، جامبىل اۋدانىنىڭ تۇرعىندارى. 

مارقۇمداردىڭ تۋىستارىنىڭ ايتۋىنشا، ۆيزا راسىمدەۋ قۇجاتتارىنا بايلانىستى، قادىلبەكتىڭ قىتايداعى تۋىستارى جەرلەۋ راسىمىنە كەلىپ ۇلگەرمەگەن.