ساۋد ارابياسىندا مۇسىلمان قىزى مەكتەپتە وقيتىن تۋعان ءىنىسىن اسقىنعان اۋرۋدان اراشالاپ، ءوزى ومىردەن ءوتتى، دەپ حابارلايدى  Qamshy.kz lslam.kz-كە سىلتەمە جاساپ.

22 جاسار ريم ەسىمدى قىز 12 جاستاعى ءىنىسى فايسالدىڭ ءومىرى ءۇشىن ءوز ءومىرىنىڭ سوڭعى ساعاتىنا دەيىن كۇرەستى. جەدەل تۇردە ءىنىسىنىڭ بۇيرەگىن اۋىستىرۋ ءۇشىن كوپتەگەن الەۋمەتتىك جەلىلەرگە حابارلاما تاراتتى. وتىنىش-تىلەگى جاۋاپسىز قالمادى. اسكەري سالانىڭ قىزمەتكەرى جاس بالاعا دونور بولۋعا كەلىسىم بەردى.

«اللاعا ماقتاۋلار بولسىن. ىنىمە كومەكتەسۋگە قول سوزىپ، ءسىز مەنىڭ جۇرەگىمدى تىنىشتاندىردىڭىز» دەپ جازادى ريم اسكەري ازاماتقا جولداعان حاتىندا.

«مەنىڭ ءىنىمنىڭ ءتىرى قالۋى ءۇشىن ءوز ءتانىن ءبولىسىپ، بۇيرەگىن بەرگەن ادام اللانىڭ قالاۋىمەن ونىڭ ساۋىعۋىنا سەبەپشى بولدى. اللا تاعالا ونىڭ تەزىرەك دەنساۋلىعى قالپىنا كەلۋىن ءناسىپ ەتسىن» دەيدى ريم.

وسى وقيعالار ورايىمەن، وپەراسيا ساتىمەن اياقتالعاننان كەيىن فايسالدىڭ اپكەسى كۇتپەگەن جەردەن ۇيقى ۇستىندە دۇنيەدەن ءوتتءى.