الماتىداعى ىشىندە مەيرامحاناسى بار، تۇنگى كلۋبى بار، قىسقاسى توي-دۋماننىڭ نەشە ءتۇرىن وتكىزۋمەن اينالىساتىن ويىن-ساۋىق ورتالىعىنىڭ بىرىندە ادمينيستراتور بولىپ جۇمىس ىستەيتىن ا. ەسىمدى كەلىنشەك بۇل مەكەمەنىڭ ىشكى تىرلىگى تۋرالى ايتىپ بەردى.
ويىن-ساۋىق ورتالىعىنىڭ تۇنگى كلۋبىندا سەگىز جىلدان بەرى جۇمىس ىستەيتىن ا. «كۇندىز تەلەديدار ارقىلى مىنبەدەن سويلەپ تۇرعان اكەسىن كورسەك، تۇندە كلۋبتان ۇل-قىزدارىن كەزدەستىرەمىز. ءتىپتى تۇنگى كلۋبقا كەلگەندەردىڭ قايسىسى كىمنىڭ قىزى ەكەنىن تانىپ، ءبىلىپ العانبىز» دەيدى.
«ارينە، جاستاردىڭ دەمالىسىن ويىن-ساۋىق ورتالىعىندا وتكىزۋىنە ەشكىم قارسى ەمەس قوي. دەگەنمەن، ءبىزدىڭ كلۋب نەگىزىنەن جەزوكشەلەر شوعىرلاناتىن جەر بولعاندىقتان «دەنى ساۋ» قىز كەلمەيتىنى انىق. تۇراقتى كليەنت جىگىتتەردىڭ «مەن انا قىزبەن بولدىم، اناۋسىمەن دە بولدىم، مىناۋمەن بىرنەشە رەت» دەپ ساۋساقپەن كورسەتىپ، اشىق ايتىپ، ماقتاناتىنى بار.
كەيبىر اتاقتى ادامداردىڭ ۇل-قىزدارىنىڭ وسىنداي ورىنداردا جۇرەتىنى تۇنگى كلۋب قىزمەتكەرلەرى ءبىز ءۇشىن دە تاڭ قالىستى، ارينە. قايسىسى كىمنىڭ ۇلى يا قىزى ەكەنىن جۇزدەرىنەن تانىپ، ءاتى-جونىن ءبىلىپ العانبىز. بىزگە ءار ءتۇنى كەلەتىندەر نەگىزىنەن ەليتالىق جەزوكشەلەر. ويتكەنى قاراپايىم وتباسىنىڭ ۇل-قىزدارى ءبىزدىڭ كلۋبتىڭ ەسىگىنەن دە سىعالاي الماسى انىق. بۇنداعى مەنيۋدىڭ ءوزى تەك قالتالى كىسىلەرگە ارنالعان».
ا.-نىڭ سوزىنشە، ەليتالىق جەزوكشەلەر كوپ جينالاتىن كلۋب ءىرى ويىن-ساۋىق ورتالىعىنا تيەسىلى بولعاندىقتان، مەيرامحاناسىندا بەسىك توي، تۇساۋكەسەر، شىلدەحانا، تۋعان كۇن جانە ۇلكەن كىسىلەردىڭ مەرەيتويلارى دا وتكىزىلەتىنىن ايتتى.
«ءبىزدىڭ جۇمىسىمىز وتە مازاسىز. دەمالۋعا ۋاقىتىمىز جوق. كۇندىز قازاقي تويلار وتكىزسەك، تۇندە جاستارعا ارنالعان ەليتالى جەزوكشەلەردى قامتيتىن ويىن-ساۋىق جيىندار وتەدى. كۇندىز بەسىك تويعا ارنالعان بولمەگە تۇندە جەزوكشەلەر جينالادى. ءبارى بار بۇل جەردە. جاتىن ورىن، كوڭىل كوتەرەتىن، بيلەيتىن زال، ت.ب. تۇگەل ويلاستىرىلعان.
العاش وسى كلۋبقا جۇمىسقا ورنالاسقاندا مولدىرەگەن سۇيكىمدى قىزداردى كورگەندە «وبال-اي» دەيتىنمىن. بىردە كليەنت جىگىتتەردىڭ بىرىمەن سويلەسىپ تۇرعانمىن. ادەمى، فيگۋراسى كوز تارتارلىق جاس قىز كىردى. «تۇنگى كلۋبقا العاش رەت كەلىپ تۇر-اۋ، ون ەكىدە گ ۇلى اشىلماعان، بۇزىلماعان قىز عوي» دەپ ەدىم، الگى جىگىت مىرس ەتتى. «مەن بۇل قىزدى بىرنەشە رەت پايدالانعام» دەگەن كەزدە تاڭ قالدىم. سىرتتاي يبالى، تازا سياقتى كورىنگەنمەن، جامان ءجۇرىستى ەكەنىن جۇرتتان قالاي جاسىرادى ەكەن دەپ ويلادىم.
تۇنگى كلۋبتىڭ تالاي سىرىن جايىپ سالعان ا. ەليتالى جەزوكشەلەردىڭ اراسىندا قازاق قىزدارىنىڭ وتە كوپ بولۋى وكىنىشتى ەكەنىن دە جاسىرمادى.
جازىپ العان ايعانىم ءبىرتۋار
