پاۆلودارداعى كافەلەردىڭ بىرىندە قوناقتاردى ۇرىپ-سوققان كۇزەتشىلەر 7 جىلعا دەيىن سوتتالۋى مۇمكىن، - دەپ حابارلايدى  Qamshy.kz Tengrinews.kz -كە سىلتەمە جاساپ.

كۇزەت فيرماسىنىڭ كۇزەتشىلەرى ۇستالدى. "بۇل دەرەك "بۇزاقىلىق" بابى بويىنشا سوتقا دەيىنگى ءبىرىڭعاي رەەسترگە تىركەلدى."ەلەكور كۋزەت" كۇزەت فيرماسىنىڭ ەكى قىزمەتكەرى ۇستالدى"، - دەپ حابارلادى وبلىستىق ءىىد وكىلدەرى. 

سونىمەن قاتار، پوليسياداعىلار وسى دەرەك بويىنشا قۇقىق قورعاۋ ورگاندارىنا ەشكىمنىڭ شاعىمدانباعانىن اتاپ ءوتتى. الەۋمەتتىك جەلىلەردە تارالعان ۆيدەوعا قاتىستى تەكسەرىس باستالدى. ەگەر ۇستالعانداردىڭ كىناسى دالەلدەنسە، ولار جەتى جىلعا دەيىن باس بوستاندىعىنان ايىرىلۋى مۇمكىن ەكەن. 

ال وسىنىڭ الدىندا "ەلەكور كۋزەت" كۇزەت اگەنتتىگىنىڭ وكىلدەرى بولعان وقيعا جايلى ءوز نۇسقاسىن ايتقان ەدى. ەسكە سالايىق، پاۆلوداردا اۆتومات اسىنعانداردىڭ ەر ادامداردى اياۋسىز ۇرىپ-سوققان ۆيدەوسى پايدا بولعان ەدى. روليك كادرلارىندا اۆتومات اسىنعان جانە فورما كيگەندەر كافەلەردىڭ بىرىندە ەر ادامداردى اياۋسىز ۇرىپ-سوققانى كورىنەدى. ۆيدەوعا ءتۇسىرىپ وتىرعاندار ولاردى سابىرعا شاقىرادى. الايدا ولار قۇلاق اسپايدى.