بۇگىن قازاقستان مەن رەسەي ىنتىماقتاستىعىنىڭ XIII ءوڭىرارالىق فورۋمى اياسىندا «بيزنەستىڭ قاجەتتىلىگىن ءتيىمدى قامتاماسىز ەتۋ كونتەكسىندەگى قازاقستان مەن رەسەيدىڭ كولىك-لوگيستيكالىق كەشەنىنىڭ دامۋى» تاقىرىبىندا پانەلدىك سەسسيا ءوتتى، - دەپ حابارلايدى Qamshy.kz قازاقپاراتقا سىلتەمە جاساپ.

شارا بارىسىندا قازاقستان مەن رەسەي اراسىنداعى ىنتىماقتاستىقتىڭ اۆتوموبيل، تەمىر جول، تەڭىز جانە اۋە كولىكتەرى، سونىمەن قاتار، قازاقستان رەسپۋبليكاسى مەن رەسەي فەدەراسياسى اراسىنداعى اۆتوموبيل جولدارىن دامىتۋ سياقتى نەگىزگى ماسەلەلەر تالقىلاندى.

جيىندا ق ر ينۆەستيسيالار جانە دامۋ ۆيسە-مينيسترى بەرىك كامالييەۆ قازاقستاننىڭ تەمىر جولى مەن اۆتوموبيل جولدارىنىڭ رەسەيدىڭ ءىرى شەكارالىق ايماقتارىنا شىعۋى قامتاماسىز ەتىلگەندىگىن اتاپ ءوتتى. ولار قازاقستان مەن رەسەي ارقىلى قىتايدان ەۋروپالىق وداق ەلدەرى مەن پارسى شىعاناعىنا  شىعاتىن جولاۋشىلار مەن جۇك تاسىمالىنىڭ ارتۋىنا مۇمكىندىك تۋعىزاتىن حالىقارالىق كولىك ءدالىزى سانالادى.   

وتىرىس قورىتىندىسىندا «قازاۆتوجول» ۇك» اق، «رەسەي اۆتوموبيل جولدارى» مەملەكەتتىك كومپانياسى مەن «رت-ينۆەست كولىك جۇيەسى» جاۋاپكەرشىلىگى شەكتەۋلى قوعامى اراسىندا ءوزارا تۇسىنىستىك جانە ىنتىماقتاستىق مەموراندۋمىنا قول قويىلدى.

ايتا كەتەرلىگى، بۇگىنگى تاڭدا ەكى ەل اراسىندا كۇندەلىكتى 20 اۋە رەيسى قاتىنايدى. قازاقستان مەن رەسەي اراسىندا 29 ۇشۋ باعىتى قامتىلعان.