ريوداعى جازعى وليمپيادا جۇلدەگەرى جازيرا جاپارقۇل شىمكەنتتە جول اپاتىنا ءتۇستى، - دەپ حابارلايدى Qamshy.kz tvk-uko.kz – كە سىلتەمە جاساپ.

باق-تىڭ حابارلاۋىنشا، جول اپاتى بۇگىن كۇندىز شىمككەنتتەگى بايتۇرسىنوۆ-رىسقۇلوۆ كوشەلەرىنىڭ قيىلىسىندا بولعان. اۋىراتلەتشىنىڭ اكەسىنە تيەسىلى «Hyundai Accent» اۆتوماشيناسىن اۋىر جۇك كولىگى ارتقى جاعىنان سوعىپتى. قوس كولىككە دە اسا قاتتى نۇقسان كەلە قويماعانىمەن كولىك يەلەرى جاڭا ماشينانىڭ بۇلاي اپاتقا تۇسۋنە قىنجىلعان سياقتى.

وقيعاعا قاتىستى پىكىر ءبىلۋ ءۇشىن جازيرانىڭ وزىمەن سويلەسۋ مۇمكىن بولمادى، ول تەلەفونىن ءوشىرىپ تاستاعان.

ەستەرىڭىزگە سالساق، ريودا وتكەن وليمپيادا ويىندارىندا وڭتۇستىك قازاقستان وبلىسىنىڭ تۋماسى، 22 جاستاعى جازيرا جاپارقۇل كۇمىس مەدال يەلەنگەن ەدى. وسى جەڭىسى ءۇشىن وبلىس اكىمى وعان ەكى بولمەلى پاتەردىڭ جانە Land Cruiser 200 جول تالعامايتىن كولىكتىڭ كىلتتەرىن تابىس ەتكەن بولاتىن. سپورتشىنى اتالمىش كولىكتىڭ تىزگىنىندە ءالى ەشكىم كورمەدى.