اقش-تا پرەزيدەنت تاعى ءۇشىن سايلاۋ الدى جارىستىڭ اياقتالۋىنا ءبىر اي عانا ۋاقىت قالدى. سايلاۋ 8 قاراشاعا بەلگىلەنگەن. كىم جەڭەدى، ترامپ پا الدە بۇرىنعى پرەزيدەنتتىڭ ايەلى حيللاري كلينتون با؟

"كومسومولسكايا پراۆدا" باسىلىمىندا جاريالانعان بولجامىندا "بيتۆى ەكستراسەنسوۆ»ء-تىڭ ءفيناليسى گالينا باگيروۆا بىلاي دەيدى:

"حيللاري كلينتون وباما تاراپىنان ۇلكەن قولداۋعا يە بولىپ وتىر. ول كۇيرەۋلەرگە نەگىزدەلگەن وباما ميسسياسىنىڭ جالعاستىرۋشىسى. كلينتوننىڭ ارتىندا پسيحولوگتار، كورىپكەلدەر مەن استرولوگتار تۇر. ولار كلينتونعا نەنى قاشان، قالاي ايتۋ كەرەك، ءوزىن قالاي ۇستاۋ كەرەكتىگىن ۇيرەتىپ وتىرادى. ءمان بەرىپ قاراساڭىزدار، حيللاري ۇنەمى قىزىل ءتۇستى كيىم كيەدى. قىزىل جەڭىستىڭ بەلگىسى.

 وعان قوسا حيللاري شالبار مەن وكشەسىز تۋفلي كيەتىن بوپ ءجۇر. وسى  كەلبەتى اقىلى ول بيلىككە ەر مىنەزدى ايەلدىڭ كەلە جاتقانىن تانىتقىسى كەلەدى. ءبىراق مەن اقش-تىڭ پرەزيدەنت تاعىندا ەركەكتى كورىپ تۇرمىن. كلينتون بۇل سايلاۋدا جەڭگەننىڭ وزىندە ءۇش ايدان ارتىققا بارمايدى. ونىڭ دەنساۋلىعى ناشار. ونىڭ تىلىندە مۇكىستىك بولاتىنىن كورىپ تۇرمىن. ءقازىر بالكىم وعان پرەپاراتتار بەرىپ جۇرگەن بولار.

حيللاري — جاس ادامنىڭ ءترامپلينى ءۇشىن جارنامالىق سۋرەت. بيلىكتىڭ كىلتى ءبارىبىر ەركەككە وتەدى. مەن وسىعان سەنەمىن.

 ال "مادجيستيكا" پورتالىنىڭ اقپاراتى بويىنشا، كەيبىر بالگەرلەر مىنانداي پىكىردە:  

ماريا سيبيرسكايا:

— تار امەريكالىق شەڭبەردەگى اقشا مەن ءوزارا كەلىسىم جەڭىسكە جەتەدى. ترامپتىڭ 2016  جىلعى سايلاۋدا جەڭۋ مۇمكىندىگى وتە جوعارى. رەسەيگە دەگەن جەككورۋشىلىك ۇلعايا بەرەدى. بۇل ولاردىڭ قانىندا بار، گەندىك دەڭگەيدە...

ميحايل مەركۋروۆ:

—  جەڭىس حيللاري كلينتونعا تيەدى. ونى قورشاعاندار ۇلكەن ءرول اتقارادى. ول نيۋ يورك شتاتى اتىنان سەناتور عوي. اقش داعدارىستان شىعادى، الەممەن ءبىر مەزگىلدە كۇرەس بۇل ەلدىڭ جولىن جاڭا ساياساتقا اشتى. دونالد ترامپ بار بولعانى قۋىرشاق، كلينتون وتباسىنىڭ پوزيسياسىن جانە دەموكراتتاردى كۇشەيتىپ جاتقان...

ازىرلەگەن ايعانىم ءبىرتۋار