ءبىر اپتا بۇرىن اقتوبە وبلىسىنا ەلباسى تاپسىرماسىمەن بارىپ جۇمىس ىستەپ جاتقان ارنايى توتىڭ وسى كۇنگە دەيىنگى اتقارعان جۇمىسى تۋرالى توپ جەتەكشىسى، ق ر باس پروكۋرورى جاقىپ اسانوۆ ايتىپ بەردى، - دەپ حابارلايدى Qamshy.kz.

200 شاقتى مامان 7 باعىتتا جۇمىس جۇرگىزىپ جاتقان توپ وسى ۋاقىتقا دەيىن جۇزدەگەن ادامعا كومەك بەرىپ ۇلگەرىپتى.

 «اقتوبەگە بارعان ازاماتتاردىڭ باسىم بولىگى مەملەكەتتىك قىزمەتكەرلەر ەمەس. ولار – دارىگەرلەر، تەولوگتار، پسيxولوگتار، يمامدار، بانكيرلەر مەن تاعى باسقا ماماندار. توپ جۇمىسى ءبىر ايعا سوزىلادى. نەگىزگى ماقسات – جەرگىلىكتى ورگاندارمەن بىرگە سونداعى تۇيتكىلدى ماسەلەلەرگە تەرەڭىرەك ءۇڭىلىپ، ونى شەشۋ جولدارىن ىزدەۋ. ءاربىر كۇن، ءاربىر ساعاتقا دەيىن ەگجەي-تەگجەيلى جوسپارلاندى»، - دەيدى باس پروكۋرور ج. اسانوۆ.

ونىڭ ايتۋىنشا، العاشقى التى كۇننىڭ ىشىندە مەكتەپتەر مەن مەدرەسەلەردە 77 كەزدەسۋ ءوتتى. وسى شارالارعا 12 مىڭ ادام قاتىسقان. 820 ادام مەديسينالىق تەكسەرىستەن ءوتتى. 50 مۇگەدەككە پروتەز قويىلدى. 500 ادامعا الەۋمەتتىك كومەك كورسەتىلىپ، 13 ادام جۇمىسقا تۇرعىزىلدى.