ولشەم بىرلىگىن قامتاماسىز ەتۋ سالاسىنداعى زاڭدىلىقتاردى بۇزۋ وقيعالارى الماتى وبلىسىندا ءالى دە بايقالادى، - دەپ حابارلايدى Qamshy.kz.

ق ر «ولشەم بىرلىگىن قامتاماسىز ەتۋ تۋرالى» زاڭىنىڭ تالاپتارى كوبىنە مەديسينالىق جانە ءبىلىم بەرۋ مەكەمەلەرىندە بۇزىلىپ، ولشەم قۇرالدارى تەكسەرىسسىز قولدانىلادى. بۇل جونىندە الماتى وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە تەحنيكالىق رەتتەۋ جانە مەترولوگيا كوميتەتىنىڭ الماتى وبلىسى بويىنشا دەپارتامەنتى باسشىسىنىڭ مىندەتىن اتقارۋشى ءابجاپار ۇلى اكىموۆ مالىمدەدى.

"مەملەكەتتىك مەترولوگيالىق باقىلاۋ ۇيىمداستىرۋ جانە جۇرگىزۋ شەڭبەرىندە 2016 جىلدىڭ 9 ايى ىشىندە 97 تەكسەرىس جۇرگىزىلىپ، 48 زاڭ ءبۇزۋشىلىق انىقتالدى. وسى ۋاقىت ارالىعىندا زاڭدى تۇلعالار 11 304 930 تەڭگە كولەمىندە اكىمشىلىك جاۋاپكەرشىلىككە تارتىلعان"، - دەدى ءا. اكىموۆ.

سونداي-اق، ق ر مەملەكەتتىك رامىزدەرىن ورناتۋ جانە قولدانۋ قاعيدالارى بويىنشا اتالعان دەپارتامەنت وبلىستىڭ 11 اۋدانىندا ءتۇسىندىرۋ جۇمىستارىن جۇرگىزگەن. «قازاقستان رەسپۋبليكاسىنىڭ مەملەكەتتىك ەلتاڭباسى. تەحنيكالىق تالاپتارى» اتتى №989-2014 ق ر ست ۇلتتىق ستاندارتىنا وزگەرىستەر ەنگىزىلىپ، قازاقستان رەسپۋبليكاسىنىڭ مەملەكەتتىك ەلتاڭباسىن ءوندىرۋدى جاقسارتۋعا كوپ مۇمكىنشىلىك بەرەدى. ماسەلەن، قازاقستان رەسپۋبليكاسىنىڭ مەملەكەتتىك ەلتاڭباسىنىڭ ءتۇسىنىڭ تالاپتارىنا وزگەرىستەر ەندى. كونسترۋكتورلىق سىزبالارى قايتادان قاراستىرىلدى. سونىمەن قاتار، مەملەكەتتىك ەلتاڭبانى ساپالى ءوندىرۋ ماقساتىندا ءۇش جىلدىق كەپىلدىك مەرزىم ەنگىزىلگەن.

الماتى وبلىسىنىڭ

وڭىرلىك كوممۋنيكاسيالار قىزمەتى.