قازاقستان تمد ەلدەرى ىشىندەگى ۇيالى بايلانىس قۇنى ەڭ قىمبات ەل ەكەنىن رەسەيدىڭ تاۋەلسىز "ComNews Research" زەرتتەۋ ورتالىعى كورسەتكەن.  سونىمەن قاتار، رەسەيدىڭ ءدال سول تاۋەلسىز "ComNews Research" زەرتتەۋ كومپانياسىنىڭ 25 اقپان 2013 جىلعى "قازاقستاننىڭ ايماقتارىنداعى ۇيالى بايلانىس قىزمەتتەرىنىڭ قۇنى" تاقىرىبىنداعى زەرتتەۋلەرىنىڭ ناتيجەلەرىنە سايكەس، قازاقستانداعى ەڭ قىمبات ۇيالى بايلانىس Kcell  (GSM Kazakhstan وپەراتورى) بولىپ تابىلعان. بۇگىنگى سمارتفونعا تەلمىرگەن زاماندا ءبىر ادامدا قوس-قوس تەلەفون مەن ەكى-ۇش نومىردەن بار.  تەلەفون تەك بايلانىس قۇرالى عانا ەمەس «كەرەگىڭدى الدىڭنان، ىزدەمەي-اق تاۋىپ بەرەتىن» زاماننىڭ وزىق تەحنولوگياسى بولىپ وتىر. سوعان وراي ەلىمىزدە ءتۇرلى بايلانىس وپەراتورلارى بار. ولاردىڭ ىشىندە ەڭ  كوپ تارالعاندارى - اكتيۆ- كسەلل، بيلاين، تەلە2 وپەراتورلارى.   كەيىنگى كەزدە قازاقستاندىقتاردىڭ بايلانىس وپەراتورلارىنا شاعىمدارى كۇن ساناپ كوبەيۋدە.  وسىعان وراي Qamshy.kz  ءتىلشىسى بايلانىس وپەراتورلارىنا قاتىستى  حالىق  پىكىرىن بىلگەن ەدى، جاۋاپتار تومەندەگىدەي بولدى:

اقبوتا: كەزىندە  "اللو»قازاقستان3"  ايلىق تولەماقىسى مىڭ بىردەڭە بولعان ەدى. كەيىن 2500-گە كوتەردى، ەندى مىنە تاعى كوتەرمەك ەكەن. ال ينتەرنەتى كۇننەن كۇنگە تەك قاندى ىشەدى. ساپاسىنىڭ ناشارلاپ كەتكەنى تۋرالى بولەك اڭگىمە.

سەرجان: اكتيۆ، كۇندىز بالەن تۇندە بالەن مەگابايت دەپ ءبىزدى توبىر سياقتى الداپ كەلەدى.

اكتيۆ وپەراتورىنىڭ ءنومىرىن بەسىنشى جىل قولدانىپ كەلە جاتقان  الماتىلىق گۇلنارا حانىم بىلاي دەيدى: اكتيۆتىڭ «اللو، قازاقستان» تاريفىنە قوسىلعانمىن، ءبىراق سول تاريفتە بەرىلەتىن كۇندىزگى جانە تۇنگى مەگابايت سانىندا «تۇنگى ينتەرنەت» كولەمىن كوپ بەرگەن، ونىڭ ءوزى تۇنگى ساعات 1-دەن كەيىن قوسىلادى. ارينە، كوپ ادام تۇنگى بىردەن كەيىن ينتەرنەتتە جاتپايدى. كەرىسىنشە كۇندىزگى ۋاقىتقا ينتەرنەت كولەمىن كوبەيتسە دۇرىس بولار ەدى.   

   ابىلاي: «اكتيۆتى» قاتەلەسپەسەم ءتورت جىل پايدالاندىم، اي سايىن 2-3 مىڭ تەڭگە بىرلىك سالىپ، شىعىنىم كوبەيگەن سوڭ   «تەلە2-گە» اۋىستىم، ءبىراق ول بارلىق جەردە ۇستاي بەرمەيدى. ءقازىر «التەل» ءنومىرىن ۇستاپ ءجۇرمىن. ينتەرنەتتە كوپ وتىراتىن جاستار  ءۇشىن وتە ءتيىمدى. ءبىر ايعا 1000 تەڭگە ارتىعىمەن جەتەدى. جەلى ىشىندەگى تەگىن قوڭىراۋلارى دا بار.

ماقپال: «اكتيۆ» بۇرىن جاقسى بولاتىن. كەيىنگى كەزدەرى بىرلىكتى كوپ جەپ قويادى. ءبىر اپتادا 5 مىڭ تەڭگە قۇرتقان ۋاقىتتارىم بولدى. اكتيۆكە حابارلاسسام، ءوزىڭىز پايدالانعانسىز دەپ، بولار –بولماس 270 تەڭگەمدى قايتارىپ بەردى. ءنومىر اۋىستىرايىن دەسەم، تانىستارىمنىڭ بارىندە وسى ءنومىر. سونىمەن اي سايىن 4-5 مىڭدى اكتيۆكە  تولەپ ءجۇرمىن.

 قۇرالاي: مەن شەت ەلگە كوپ شىعامىن، سول كەزدە «اكتيۆتىڭ» روۋمينگىن قوسامىن. 5-10 مىڭعا دەپ قوساسىڭ، ەلگە كەلسەڭ 25-30 مىڭعا دەيىن شىعىپ كەتەدى. ءبىر اپتاداي بولدى «اللو، قازاقستانعا» قانشا بىرلىك سالسام دا قوسىلا الماي ءجۇرمىن. «اكتيۆ» تاريف باعاسىن قىمباتتاتا بەرەتىن بولعان.  

قۋانىش: Tele2 Kazakhstan "اقىرىن ءجۇرىپ، انىق باس!" دەگەندى ۇستانعان سياقتى. بايقاتپاي باعانى كوتەرىپ كەلەدى. باسىندا ءوزىم قىزىققان تاريف 880 تگ بولاتىن، كەيىن "كەرەگى وسى!" دەدى دە 990 تگ قىلدى. ال، ەندى اسىرا ماقتاپ "كۇشتى" قىلىپ شىعاردى. ايىنا 1390 تگ. وسىلاي كەتە بەرسە ءقادىرى كەتەدى اۋ..

  بايقاپ وتىرساڭىزدار حالىقتىڭ كوبى «اكتيۆ» بايلانىس وپەراتورىن قولدانادى.

GSM قازاقستان ۇيالى بايلانىس وپەراتورى — قازاقستاننىڭ بايلانىس نارىعىنداعى GSM900، GSM1800، UMTS/WCDMA (2100 مگس) ستاندارتى بويىنشا كوش باستاۋشى وپەراتور، جانە ءوز قىزمەتىن «Activ»، «Kcell جانە Vegaline» برەندتەرى ارقىلى كورسەتەدى.

كومپانيا 1998 جىلى 30 قىركۇيەكتە قۇرىلىپ، Kcell جانە Actءىv ساۋدا بەلگىلەرىمەن جۇمىس ىستەپ كەلەدى. قازاقستان رەسپۋبليكاسىنىڭ 1058 قالاسى مەن ەلدى مەكەنىندە Kcell ۇيالى بايلانىسىنىڭ قىزمەتتەرى كورسەتىلەدى، ول نەگىزگى اۆتوماگيسترالداردىڭ 85%-ىن قامتىعان. بازالىق ستانسيالار حالىقتىڭ 66%-ى تۇراتىن اۋماعىندا سيگنالدىڭ ساپالى قابىلدانۋى مەن جەتكىزىلۋىن قامتاماسىز ەتەدى. Kcell 113 ەلدىڭ 236 وپەراتورىمەن اۆتوماتتى روۋمينگ، 32 ەلدىڭ 48 وپەراتورىمەن GPRS-روۋمينگ قىزمەتىمەن بايلانىسقان. قازاقستاندا سونداي-اق، Bەelءىne، Pathword، Neo،ت.ب. بايلانىس جۇيەلەرى قىزمەت كورسەتەدى.

اكتيۆ» كومپانياسىنىڭ قازاقستان نارىعىنا كەلگەنىنە 18 جىلدان اسقان. «كسەلل»  اق اكسيونەرى فين-شۆەد-تۇرىك كومپانياسى.  2012 جىلدىڭ اقپان ايىندا قازاقتەلەكوم TeliaSonera-داعى ءوز ۇلەسىن 1،519 ملرد دوللارعا ساتىپ جىبەرگەن. 2011 جىلدان باستاپ اكتيۆ IPO بولىپ تابىلادى.  اينالىمدا 168،4 ملرد تەڭگە بولسا،  وپەراسيالى پايداسى 2015 جىلى 52،6 ملرد تەڭگەنى قۇراعان،   تازا تابىسى – 46،6 ملرد.  قىزمەتكەرلەرىنىڭ سانى -1830 ادام،  باس ديرەكتورى – يان رۋدبەرگ.

   ساراپتاما مەن رەسمي دەرەكتەر سويلەسىن

حالىقارالىق 4Service Group  2016 جىلدىڭ قىركۇيەك ايىندا وتكىزىلگەن قازاقستان نارىعىنداعى  بايلانىس قۇرالىن زەرتتەۋ ناتيجەلەرىن    جاريالادى.  بليس-سۇراققا 14 وبلىستان  1200 ابونەنت قاتىسقان.

 مالىمەتتەر بويىنشا، رەسپۋبليكادا ءموبيلدى بايلانىس شىعىنىنىڭ ءوسىمى بايقالادى.  2015 جىلدىڭ ءۇشىنشى كۆارتالىندا 1000 جانە 2000 تەڭگە كولەمىندە جۇمسايتىنداردىڭ ۇلەسى 40% قۇراعان. بۇگىنگى تاڭدا ولاردىڭ سانى 46% وسكەن.

« نەگىزگى سەگمەنتتەردى  Beeline (84%) جانە تele2 (83%)  وپەراتورلارىنىڭ  2000 تگ دەيىنگى تومەنگى  ءموبيلدى بايلانىس شىعىندارى قۇرايدى. ەڭ قىمبات بايلانىس وپەراتورى Kcell — 46%، ونىڭ ابونەنتتەرى ايىنا كەم دەگەندە 2000 تگ جۇمسايدى»، — دەيدى ساراپشىلار.

 قازاقستانداعى ءموبيلدى بايلانىس شىعىندارى، Q3 2016

 ءموبيلدى بايلانىس قۇرالدارىن ەڭ بەلسەندى پايدالاناتىندار 16 مەن 29 جاسا ارالىعىنداعى ادامدار — 24%. بەلسەندىلىك جاعىنان ەكىنشى ورىندا  —40-49 جاستاعى (20%) ادامدار. باتىرمالى تەلەفوندى ەلىمىزدە قولدانۋشىلاردىڭ سانى ءالى كۇنگە دەيىن جوعارى دەڭگەيدە بولىپ وتىر، ولاردى سۇرانىمعا جاۋاپ بەرگەندەردىڭ  28% قولداناتىن بولىپ شىققان.  ساراپشىلار جاس ايىرماشىلىعى بار رەسپوندەنتتەر مەن تەلەفون ءتيپىنىڭ اراسىندا تۇراقتى تاۋەلدىلىك بار ەكەنىن راستاپ وتىر: سمارتفوندى قولدانۋشىلاردىڭ بولىگى 16-29 جاس ارالىعىندا  95%، 70 جاستان جوعارىلاردا 18%.   

 زەرتتەۋ ناتيجەسى سمارتفون يەلەرىنىڭ 18% ءموبيلدى ينتەرنەت قولدانبايتىندارىن كورسەتتى. مالىمەتتە ءبىر جىل ىشىندە ينتەرنەت –قولدانۋشىلاردىڭ كولەمى 29% وسكەنىن كورسەتۋدە. ءموبيلدى ينتەرنەتتىڭ كوپتەگەن قولدانۋشىلارى (39%)  ورتا ەسەپپەن ايىنا 1 گب جۇكتەيدى. 6 گب جۇكتەيتىن وتە بەلسەندى قولدانۋشىلار ۇلەسى 11 پ.پ. جەتىپ،  28% قۇراعان.

ەلىمىزدە ەڭ قولدانىلاتىن بايلانىس وپەراتورلارى: Beeline (37%)، Activ (25%) جانە  Tele2 (22%). وتكەن جىلدىڭ انالوگتى ۋاقىتىمەن سالىستىرعاندا ولار بۇرىنعى پوزيسيالارىندا قالعان.

زەرتتەۋ بارىسىندا MNP (Mobile number portability — بايلانىس وپەراتورىن ءنومىردى ساقتاۋ ارقىلى اۋىستىرۋ) وسى جىلى قولدانۋشىلاردىڭ قالاۋىنا بايلانىستى بولعان : سۇراققا جاۋاپ بەرۋشىلەردىڭ   13%  عانا ابونەنت قىزمەتتەرىنە كوڭىلدەرى تولاتىنىن بىلدىرگەن جانە وپەراتور بايلانىستارىن اۋىستىرۋعا قۇلىقتى ەمەس بولىپ شىققان. نەگىزگى كوڭىل تولماۋشىلىقتىڭ باستى سەبەبى دەپ رەسپوندەنتتەر   مىنالاردى كورسەتكەن: بايلانىس ساپاسى مەن ءموبيلدى ينتەرنەتتىڭ ناشار جۇمىس ىستەۋ (37%)، قىزمەت باعاسىنىڭ تىم جوعارى بولۋى  (29%)، سەرۆيس ساپاسى  (4%).

ءموبيلدى وپەراتورلار باعاسىنىڭ دا اناليزدەرى جۇرگىزىلگەن. ساراپشىلار  ءموبيلدى قىزمەت قۇنىنىع قىمباتتاپ كەتكەنىن اتاپ ءوتتى. وپەراتورلار  جەلى ىشىندەگى SMS  پاكەتىنىڭ قۇنىن ازايتىپ تاستاعان.  وتكەن جىلمەن سالىستىرعادا بارلىق وپەراتورلار جەلى ىشىندە ءليميتسىز قوڭىراۋلار ۇسىنعان.

زەرتتەۋلەر ەڭ ءتيىمدى ءتاريفتى جوسپارلاردى Tele2 (كرۋتوي) ايىنا 1290 تگ جانە  Beeline (ءبارى 1200 تگ.) ۇسىنىپ وتىر دەيدى.

«بايلانىس قۇرالدارى وپەراتورلارىنىڭ ۇسىنىپ وتىرعان ينتەرنەت- ۇسىنىستارى كەڭ اۋقىمدا تاراعان جانە پاكەت كولەمى جاعىنان دا ءىرى بولىپ تۇر.  ەڭ ءتيىمدى باعا مەن ينتەرنەتتى ( 100 مب)  Activ، Kcell جانە  Tele2 —  ۇسىنعان، باعاسى 6،6 جانە  7 تگ. دەلىنگەن»، — اقپاراتتا.