تالدىقورعاندا دەمەل بوتي گوا تيرولەن ورفەە ەسىمدى فۋتبولشىنىڭ "جەتىسۋ" كلۋبىنان شىعارىلۋىنا بايلانىستى سوت پروسەسى باستالدى،- دەپ حابارلايدى Qamshy.kz  Tengrinews.kz-كە سىلتەمە جاساپ.  وسى جىلدىڭ ماۋسىم ايىندا تالدىقورعاندىق فۋتبول كلۋبى ءبىر جاقتى تارتىپتە لەگيونەرمەن اراداعى كەلىسىم شارتتى بۇزعان، البەتتە ەكس-فورۆارد بۇعان نارازى بولعان. نارازى بولعان ول ادۆوكات جالداپ سوتقا ارىز بەرگەن. 

كوت-د'يۆۋار ەلىنىڭ ازاماتىنىڭ قۇقىعىن سوتتا ەسىمبول مامىرقانوۆ قورعايتىن بولادى. ونىڭ ايتۋىنشا، فۋتبولشى جۇمىستان زاڭسىز بوساتىلعانىنا بايلانىستى ونى قايتا ورنىنا قايتارىپ، ەكى جاقتى كەلىسىم شارت بويىنشا 4 ميلليون 920 مىڭ تەڭگە جالاقىنى ءار اي سايىن الىپ تۇرۋ ءتيىس.

"جەتىسۋ" كلۋبىنىڭ وكىلى نۇربولات قۇدايبەرگەن ۇلى سوتتا جاۋاپ بەرۋشى رەتىندە الماتى وبلىسىنىڭ اكىمىن شاقىرتۋدى سۇراعان (كلۋب قۇرىلتايشىسى وبلىس اكىمى). ارىز بەرۋشىنىڭ ادۆوكاتى ءىستىڭ كوپكە سوزىلىپ كەتەنىن بايقاپ،  قۇرىلتايشىلاردى شاقىرتۋعا قارسى شىقتى.

"سوت مىرزا، فۋتبولشىلار كەلىسىم شارتتى فۋتبول كلۋبىمەن جاسادى، سوندىقتان مەن پروسەسسكە قۇرىلتايشىلاردى شاقىرۋعا نەگىز تاۋىپ تۇرعانىم جوق"، - دەدى قورعاۋشى. 

سوت كلۋب وكىلىنىڭ ايتىپ وتىرعان قاجەتتى قۇجاتتار مەن فۋتبولشىنىڭ جالاقىسىن راستايتىن انىقتامالاردى الىپ كەلۋىن تالاپ ەتتى. سونىمەن قاتار 15 قازاندا وتەتىن كەلەسى پروسەسسكە كۋاگەر رەتىندە كلۋبتىڭ باس ديرەكتورىن جانە الماتى وبلىسى ەڭبەك ينسپەكسياسىنىڭ قىزمەتكەرلەرىن شاقىرۋدى تالاپ ەتتى.

13 ساۋىردە دەمەلي بوتي "استانا" كومانداسىمەن وتكەن ويىندا جاراقات العان، سول كەزدەن باستاپ كلۋب جەتەكشىلەرى مەن فۋتبولشى اراسىندا تۇسىنبەستىكتەر باستالعان. ول ەلىنە بارىپ وتا جاساعان. وعان ءۇش اي بويى فيزيكالىق كۇش تۇسىرمەۋ كەرەكتىگى ايتىلعان. ول ويناپ جۇرگەن كومانداسىنا كەلگەندە كوماندادان شىعىپ قالعانىن ەستىگەن.