اقتوبە وبلىسىندا مەشىتتەردەگى باس يمامدار مەن نايب يمامدار جاپپاي جۇمىستان شىعارىلىپ جاتىر. بۇگىننىڭ وزىندە وبلىستا ەكى بىردەي اۋدان مەشىتتەرىنىڭ باس يمامدارى اۋىسىپ ۇلگەردى. ورىندارىنا ساۋاتى جوعارى، بىلىكتى ءدىني قىزمەتكەردى الماتىدان الدىرتىپتى. قازاقستان مۇسىلماندار ءدىني باسقارماسىنىڭ اپپارات باسشىسىنىڭ ايتۋىنشا، وبلىستا ءالى 7 يمام ورنىن بوساتادى، - دەپ حابارلايدى Qamshy.kz 31-ارناعا سىلتەمە جاساپ.

جانار قوجانوۆا، تءىلشى:

- بۇگىن اقتوبە وبلىسىندا ەكى بىردەي اۋدان مەشىتىنىڭ باس يمامى مەن نايب يمامى اۋىستى. ونىڭ ءبىرى تەمىر اۋدانىنا قاراستى شۇبارقۇدىق اۋىلىنداعى مەشىت بولسا، ەكىنشىسى قاندىاعاش قالاسىنداعى مەشىت. بۇل ەكى اۋدان دا قازىرگى تاڭدا راديكالدى اعىمدار بەلەڭ العان، ءدىني احۋال ۋشىعىپ تۇرعان ايماق سانالادى.

جەرگىلىكتى يمامداردىڭ ورنىن الماتىدان كەلگەن ءدىن وكىلدەرى الماستىردى. اقتوبەدەگى ءدىني احۋالعا بايلانىستى جۇمىس توبى مۇشەلەرىنىڭ ايتۋىنشا، ولار 10 كۇننەن بەرى وبلىستاعى بارلىق يمامداردى اتتەستاسيالاۋدان وتكىزىپ، ءدىني ساۋاتتىلىعىن تەكسەرگەن.

عيلىمبەك ماجييەۆ، قازاقستان مۇسىلماندارى ءدىني باسقارماسىنىڭ اپپارات باسشىسى:

- -بۇل ەڭ الدىمەن ساپالى ماماننىڭ كەلۋى بۇل كوپ جاعدايدى وزگەرتەدى. سەبەبى ساپالى كادر، ءبىلىمدى مامان ول حالىق ءۇشىن، ەل ءۇشىن، جاماعات ءۇشىن، جالپى قوعام تالابىنا ساي بولۋ ءۇشىن ول كوپ نارسەنى وزگەرتەدى. ءبىزدىڭ كۇتەتىن ءۇمىتىمىز وتە جوعارى.

عيلىمبەك ماجييەۆتىڭ ءوزى دە اقتوبەگە شۇبارشى مەن كەڭقياقتاعى وقيعالاردان سوڭ كەلگەن. سوندىقتان، اقتوبەدەگى يمامداردىڭ ءجيى اۋىسىپ وتىراتىنىن تۇرعىندار دا جاقسى بىلەدى. ولار دا  قازىرگى يمامداردىڭ ءبىلىم ساپالارى تومەن دەگەن پىكىردى قۇپتايدى.

نۇرعالي نۇرالى، تۇرعىن:

- قازىرگى يمامداردىڭ ءبىلىمى ناشارلاۋ. بولماسا نەگە ول ءۇش ايدا ءبىر الماسادى؟ ءتورت ايدا ءبىر الماسادى. كەشەگى جامبىلدان كەلگەن نۇرعاسىر مەشىتىنىڭ يمامى وسىمەن ەكىنشى رەت الماسىپ وتىر.

اقتوبە وبلىسى جالپى ەلىمىز بويىنشا رادياكالدى اعىمدار كەڭ تاراعان ايماقتاردىڭ ءبىرى. وعان دالەل، اقتوبەدە ءدىني ەكسترەميستىك جاعدايلاردىڭ ءجيى بولۋى. سوڭعى 5 جىلداعى ايماقتا بولعان تەراكتاردى ەستەرىڭىزگە سالساق: 2011 جىلى 25 جاستاعى ازامات ۇلتتىق قاۋىپسىزدىك كوميتەتىنىڭ  عيماراتىندا ءوزىن جارىپ جىبەرگەن بولاتىن. ودان كەيىن 2012 جىلى شۇبارشي اۋىلىندا  رادياكالدى اعىمداعىلار پوليسەيلەردەن كەك الۋ ءۇشىن  شابۋىل جاسادى.  ارادا 4 جىل ءوتىپ، 2016 جىلدىڭ 5 ماۋسىمىندا تەراكت اقتوبەدە تاعى قايتالاندى.  ءدىني احۋالى جاقسارماي تۇرعان اقتوبە وبلىسىن ەندى ارنايى كەلگەن جۇمىس توبى ابدەن زەرتتەمەك.