«ءتىرى»
ءتىرى داۋىس،
ءتىرى مۋزىكا.
اۋدارمامىز
بولعاننان سوڭ وسىنداي،
جاۋاپ بەرەمىز توسىلماي.
مىسالى:
- ءاندى قالاي ايتتىڭ،
قالاي بارىپ قايتتىڭ؟
- دەسەڭىز،
- تىرىدەي داۋىسپەن ايتتىم،
تىرىدەي كورىپ قايتتىم.
- دەپ جاۋاپ بەرەدى،
ەكىنىڭ ءبىرى.
ءسوزىمىز،
تۇيەدەن تۇسكەندەي ءىرى.
ويتكەنى ورىسشاعا
قولدان بۇرىپ،
قازاقشانى ءجۇرمىز
اۋزىنا «ۇرىپ».
ءاي، سوندا دا،
ولمەي كەلە جاتقان
قازاق ءتىلىنىڭ دە جانى ءسىرى.
جەمقورلىق-...قورلىق.
داعدارىستان امان ءوتۋ ءۇشىن،
وركەنيەتتىلىككە جەتۋ ءۇشىن.
شىلقىپ بايۋىمىز،
بىلقىپ تويۋىمىز كەرەك.
سوسىن دامۋدى
جولعا قويۋىمىز كەرەك،
- دەپ ءبارىمىز دۇرلىگىپ،
ءسۇرىنىپ-قابىنىپ سۇرلىگىپ.
كەدەيشىلىككە قارسى
مايدان اشىپ،
كىرىستىك جەۋگە اشىق.
ارامزا الپاۋىتتار اساپ،
ارسىزدار جەڭگەتايلىق جاساپ.
الاياقتار جۇرتتى الداپ،
سۋايتتار جانىن جالداپ.
ۇرىلار ءبىر جەردەن جىمقىرىپ،
جىمقىرا الماسا قىمقىرىپ.
سىبايلاستار ۇيىمداسىپ،
ايلاكەرلەر جالعان ۇيىم اشىپ.
جالاقورلار جالا جاۋىپ،
دەلدالدار پايدا تاۋىپ.
پاراقورلار پارا الىپ،
توقەتەرى-
-جەمقورلىقتىڭ ءتۇر-تۇرى
بارا جاتىر تارالىپ
و، توبا!
ەڭبەك ەتپەي ىشىپ-جەۋ،
بولماي قالدى جاڭالىق.
***
وۋ، اعايىن!
ادالداپ اسىمىزدى
جەيىك تە تالعاپ-تالماپ.
ايتپەسە اقىرىندا،
ءوزىمىزدى ءوزىمىز
قويارمىز ءبىر كۇن جالماپ.
تىلەمىزىك
ورىسشا سويلەگەننەن
ءمۇيىز شىقسا
قازاققا شىعار ەدى...
ءبىراق ءالى شىققان جوق
سوندا دا مۇنى
كوكەلەرىمىز ۇققان جوق.
سوندىقتان بارا جاتىر ءۇنىمىز ءوشىپ،
پۇشايماندىقپەن كۇنىمىز ءوتىپ.
جوعارىدا
ونى ويلار ادام جوق،
ءوز ۇلتىنىڭ ارقاسىندا
جۇرگەنى ادام بوپ
ءبىرىنىڭ دە قاپەرىنە كىرمەيدى
اناسىنىڭ ءتىلىن كوزىنە ىلمەيدى.
اعىلشىنشا ۇيرەنىڭدەر،
امەريكاندىق كۇيگە ەنىڭدەر.
- دەپ ءتىلى شىقپاعان بالانى وقىتپاقشى،
باتىسشا بىلدىرلاتىپ شوقىتپاقشى.
قىسقاسى رەزەڭكە ەمىزىكپەن ەمىزىپ،
اۋزىنا سالماقشى تىلەمىزىك.
ءاي، ءبىراق جاساندىلىق ءنار بەرە مە؟
ويى شاتىلىپ بۇزىلعان بالا
وسكەن سوڭ اكەسىنە ءال بەرە مە؟
الدەكىمگە
شىمشىمالار
مادەنيەت قايراتكەرى اتانعان –
شىنىمەن قايراتكەر مە؟
كەيبىرىنە قاراساڭ...
ۇقسايدى
مادەنيەتسىز «قايراتكەرگە»
***
اتانعان قۇرمەتتى ازامات
حالىققا قۇرمەتتى مە؟
كەيبىرىنە قاراساڭ...
ساتىپ العان سياقتى «قۇرمەتتى» دە.
***
جۇلدىزدار جايلى جازىپ ءبىر بەت،
جازۋشىمىن دەپ دامەتىپ ءجۇر
قۇرمەت.
***
بولعاننان سوڭ «اتاقتى»،
اتاقتىمىن دەپ،
شىعارىپ ءجۇر شاتاقتى.
***
كادردان كادر تاڭدايدى،
ءسويتىپ،
قۇلقىننىڭ قامىن ويلايدى.
***
ءيتتىڭ ءوزى تويسا دا، كوزى تويمايدى،
ويتكەنى،
يت يتتىگىن قويمايدى.
***
وقىماسا دا ومىرىندە گازەتتى
«شىندىقتى جازعان
جۋرناليست كورمەدىم» دەپ ءسوز ەتتى.
كۇلاش كەرىمبەك قىزى
قوستاناي قالاسى
