ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ بۇرىنعى تۇلەگى ەڭلىك سىدىقوۆا مادەنيەت جانە سپورت ءمينيسترى ارىستانبەك مۇحامەديۇلىن «قىزدارعا قىرىنداعىش» دەپ ايىپتادى،- دەپ حابارلايدى Qamshy.kz  Kazday-گە سىلتەمە جاساپ. قىزدىڭ ايتۋىنشا، «ول وتىرعان قىزمەتىنە لايىق ەمەس».

Facebook پاراقشاسىندا جاريالانعان ۆيدەوجازبادا ەڭلىك 2011 جىلى ءقازۇوا –عا وقۋعا تاپسىرعانىن باياندايدى. جاس قىز  وقۋعا تاپسىراتىن كەزدە  ەمتيحانعا كەشىگىپ كەلىپ، مەكەمە قىزمەتكەرلەرىنە رۇقسات سۇراۋعا بارعان، ول كەزدە ارىستانبەك مۇحامەدي ۇلى ءقازۇوا –نىڭ باسشىسى قىزمەتىندە وتىرعان.  

ەڭلىكتىڭ سوزىنە سەنسەك،  ءبىرىنشى كەزدەسۋدە رەكتور  ماسەلەنى 3000 دوللارمەن شەشۋدى ۇسىنعان.

« ايتىلعان سوما مەنى ءبىراز ابىرجىتتى، ءبىراق ول وقۋ ورنىندا وقۋ مەنى ودان ارمان الاڭداتتى. مەن ويلانۋعا ۋاقىت كەرەك ەكەنىن ايتىپ، كەتىپ قالدىم. سىرتتا مەنى اپكەم كۇتىپ تۇرعان، ۇيگە بارا جاتقان جولدا رەكتوردىڭ كومەكشەسىنىڭ قوڭىراۋىنان تەلەفونىم تىنىم تاپپادى. ول ارىستانبەك مۇحامەدي ۇلىنىڭ مەنىمەن قايتا سويلەسكىسى كەلەتىنىن ايتتى»، — دەيدى ەڭلىك.

ەكىنشى كەزدەسۋدە رەكتور وعان باسقا ۇسىنىس جاساعان.

«ول مەنىڭ قايدا، كىممەن تۇراتىنىمدى سۇرادى. سوسىن بىلاي دەدى: «سەن مەنىمەن قوناققا باراسىڭ با، شاراپ ءىشىپ، بي بيلەپ، كوڭىل كوتەرەمىز». مەن بۇل سوزدەردى وسىنداي سىيلى ادامنان ەستىگەمىنە قاتتى تاڭ قالدىم»- دەپ اڭگىمەسىن جالعاستىرادى قىز.

ول بۇل ۇسىنىستان دا باس تارتقان، ءبىراق ۋنيۆەرسيتەتكە وقۋعا تۇسكەن.

قىز رەكتوردىڭ مۇنداي ۇسىنىسىن العان توپتاعى جالعىز قىز ەمەس ەكەنىن، بۇل مالىمدەمەنى رەجيسسەرلەرگە قولداۋ ءبىلدىرۋ ءۇشىن جاساعانىن ايتادى.

قازاقستاندىق رەجيسسەر تالعات جانىبەكوۆ شىلدەنىڭ 12 كۇنى ونىڭ «فەنيكس» اتتى جوباسىنىڭ بۇعاتتالعانىن مالىمدەدى. كارتينا اۆتورىنىڭ ويىنشا،  ءفيلمدى قارجىلاندىرۋ  مادەنيەت ءمينيسترى ارىستانبەك مۇحامەدي ۇلىنىڭ كەسىرىنەن توقتاپ تۇر. جانىبەكوۆ مينيسترلىكتە  ءوندىرىس قايتا جاڭارۋ ءۇشىن «اۋىزباستىرىق» سۇراعان.

ماۋسىمنىڭ 19 كۇنى ق ر  مادەنيەت جانە سپورت ءمينيسترى ارىستانبەك مۇحامەدي ۇلى رەجيسسەر جانىبەكوۆتى سوتقا بەردى.  مۇحامەدي ۇلى ءوزىن جامان اتقا قالدىراتىن دايەكسىز اقپاردى جوققا شىعارىپ، سيمۆوليكالىق  ءمورالدى شىعىن رەتىندە 1 تەڭگە ايىپپۇل تولەۋدى تالاپ ەتكەن.  

 كەيىننەن شاعىمدانۋشىنىڭ ءوتىنىشى قاراۋسىز توقتاتىلىپ،  ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ اتىنا اشىلعان قىلمىستىق ءىس وقيعالاردىڭ جانە قىلمىس نىشاندارىنىڭ  جوقتىعىنان جابىلدى.  

قازان ايىندا مۇحامەدي ۇلىنىڭ رەجيسسەردى قىلمىستىق جاۋاپقا تارقانى بەلگىلى بولدى.  مادەنيەت جانە سپورت ءمينيسترى تالعات جانىبەكوۆتى جالا جاپتى دەپ ايىپتادى.

بۇگىندە  ەڭلىك سىدىقوۆانىڭ مالىمەتىنە بايلانىستى قازنەتتە #وتستاۆكۋمۋحامەدي ۇلى حەشتەگى قىزۋ ءجۇرىپ جاتىر.