ەلىمىزدە ترانسپلانتاسيا تەگىن جاسالادى، - دەپ حابارلايدى Qamshy.kz حابار24-كە سىلتەمە جاساپ.

بۇل تۋرالى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ وكىلدەرى مالىمدەدى. بۇنداي قىمبات وپەراسيالار مىندەتتى الەۋمەتتىك مەديسينالىق ساقتاندىرۋ جۇيەسىن ەنگىزگەن سوڭ اقىسىز جاسالادى. مامانداردىڭ ايتۋىنشا، ءقازىر اعزا ترانسپلانتاسياسىنا 3000-عا جۋىق ازامات ءزارۋ.

ەلىمىزدە كوبىنەسە بۇيرەك، باۋىر جانە جۇرەك الماستىرۋ وپەراسياسى ءساتتى جاسالۋدا. بولاشاقتا دارىگەرلەر ىشەك جولدارىنا دا وسىنداي وپەراسيا جاساۋدى قولعا الماق.

تىلەۋحان ابىلدايەۆ، مەديسينالىق قىزمەتكە اقى تولەۋ كوميتەتى قالالىق دەپارتامەنتىنىڭ باسشىسى:

- باۋىر مەن جۇرەككە جاسالاتىن ترانسپلانتاسيا شامامەن 3 ميلليون تەڭگە تۇرادى. ال ءتيىستى باعدارلاما قابىلدانعان سوڭ ەل ازماتتارىنا مۇنداي كومەك تەگىن كورسەتىلەتىن بولادى.