بۇل سۇراقتىڭ جاۋابىن Qamshy.kz ءتىلشىسى ىزدەپ كوردى. بۇگىندە قالا تۇرعىندارى عانا ەمەس، الىس اۋدان ورتالىقتارى دا گامبۋرگەر، چيزبۋرگەر، بيگماك دەگەندەرگە ۇيرەنىپ كەتتى. تۇسكى اسقا ۋاقىت از بولىنەتىن مەكەمەلەردە ىستەيتىن كىسىلەر ءۇشىن اراسىنا سوسيسكا سالعان نەمەسە سيىر ەتىنەن ازىرلەنگەن كوتلەت قىستىرىلعان شاعىن بولكەلەر ۇيرەنشىكتى اسقا اينالعانداي.

ماماندار فاستفۋدتىڭ ادام اعزاسىنا زيانى تۋرالى كوپ ايتادى. ءبىراق وسى «ءقازىر-ازىر» بولكەلەر نەسىمەن زيان؟ ەندى وسىعان توقتالايىق.

فاستفۋد اتاۋلىنىڭ قۇرامىندا تاعامدىق جاساندى قوسپالار بار

ال جاساندى قوسپا اتاۋلى ادامنىڭ ىشكى قۇرىلىسىنا وراسان زيان ەكەنى بەلگىلى. گامبۋرگەر، چيسبۋرگەرلەردى ءجيى جەگەن ادامنىڭ اس قورىتۋ جۇيەسى بۇزىلىپ، اۋرۋعا شالدىعادى.

فاستفۋدقا قوسىلاتىن مايلار كانسەرەگەندىك ەلەمەنتتەر بولەدى

 ال بۇل ىشەك-قارىنعا قانداي اپات اكەلەرى ايتپاسا دا تۇسىنىكتى. زياندى ەلەمەنتتەر ادامنىڭ اعزاسىنا تاراپ قانا قويماي، بۇيرەك-باۋىر جۇمىسىنىڭ بۇزىلۋىنا اكەپ سوعادى.

فاستفۋدتىڭ ادام ازعاسىنا ەشقانداي پايداسى جوق

 دەنساۋلىققا زياندى ءونىمدى جەگەننەن گورى اش بولعان ارتىق. بۇگىندە ەلىمىزدە اسقازان اۋرۋلارىنىڭ كوبەيىپ كەتۋىنە دە وسى فاستفۋدتىڭ ۇلەس قوسىپ جاتقانى جاسىرىن ەمەس.

فاستفۋد جەگەن ادامنىڭ دەنساۋلىعى كوپ ۇزاماي  مىنانداي زارداپ تارتادى:

ارتىق سالماق پەن سەمىزدىك؛

ىشكى قۇرىلىستارعا تاس بايلانۋ؛

بۇيرەك اۋرۋلارى؛

اتەروسكلەروز؛

گيپەرتونيا؛

حولەستەريننىڭ كوبەيۋى؛

باۋىر اۋرۋى؛

تىسجەگىنىڭ كوبەيۋى؛

اسقازان جاراسى مەن گاستريت،  ت.ب.

قىسقاسى، فاستفۋدتىڭ زياندى اسەر ەتپەيتىن مۇشەسى جوق. ونىڭ ەڭ الدىمەن سەمىزدىككە شالدىقتىراتىنىن امەريكاندىقتاردىڭ وزدەرى مويىنداپ وتىر. بۇگىندە امەريكادا فاستفۋد تاعامدارىمەن كۇرەس شارالارى جۇرگىزىلۋدە.  

ءيا، قۇرامىندا ەشقانداي ۆيتامين، پايدالى زاتتارى جوق فاستفۋدتى جەگەنشە، از عانا ۋاقىت ءبولىپ، ۇيدە ازىرلەنگەن استى تۇتىنعان ارتىق ەمەس پە؟

دانا قامشىبەك