بۇگiنگi تاڭدا بايقوڭىر قالاسىندا سالىق سالۋ ماسەلەسiنە قاتىستى تاۋار باعاسى جاساندى تۇردە ءوسiرiلiپ وتىر. بۇل جاعدايدى شەشۋ ءۇشiن «1995 جىلعى 23 جەلتوقسانداعى ق ر مەن رف اراسىنداعى بايقوڭىر قالاسىنىڭ مارتەبەسi جانە ونداعى اتقارۋشى وكiمەت ورگاندارىن قۇرۋدىڭ ءتارتiبi مەن ولاردىڭ مارتەبەسi تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاسيالاۋ تۋرالى» زاڭ جوباسى ءازiرلەنگەن. قۇجاتتى بۇگiن ءماجiلiس دەپۋتاتتارى ماقۇلدادى، دەپ حابارلايدى Qamshy.kz Baq.kz سايتىنا سىلتەمە جاساپ.

«وسى حاتتامانىڭ ەڭ باستى ماقساتى جاناما سالىقتار مەن قوسارلانعان سالىق سالۋ ماسەلەلەرىن رەتتەۋ بولىپ تابىلادى. بۇگىنگى تاڭدا بايقوڭىر قالاسىنىڭ اۋماعىنا ساتىلاتىن تاۋاردىڭ باعاسىنا ءبىزدىڭ كاسىپكەرلەر قوسىلعان قۇن سالىعىن قوسادى. ال بايقوڭىرداعى رەسەيلىك سالىق تولەۋشىلەر ول قوسىلعان قۇن سالىعىن ەسەپكە المايدى، ياعني سول سالىقتىڭ سوماسىنان تاۋاردىڭ باعاسى كوتەرىلەدى. وعان قوسا سول تاۋاردىڭ قۇنىنا رەسەي فەدەراسياسىنىڭ زاڭدارىنا سايكەس 18 پايىز مولشەرىندە قوسىلعان قۇن سالىعى ەسەپتەلەدى»، - دەيدi ق ر قارجى مينيسترi باقىت سۇلتانوۆ.

ونىڭ ايتۋىنشا، ءدال وسىنداي جاعداي بايقوڭىردان قازاقستاننىڭ باسقا اۋماقتارىنا تاۋار ساتقان كەزدە دە بولادى. وسىلايشا، باعا جاساندى تۇردە وسەدى.

«بۇل جاعدايدى شەشۋ ءۇشىن ءبىز رەسەيلىك ارىپتەستەرىمىزبەن بىرىگىپ وسى حاتتامانىڭ جوباسىن ازىرلەدىك. ءبىز قازىرگى كەزدە ەۋرازيالىق ەكونوميكالىق وداقتا جۇمىس iستەپ تۇرعان مەحانيزمدى حاتتامادا قولداندىق. قازاقستاننىڭ باسقا اۋماعىنان بايقوڭىر قالاسىنا تاۋار ساتۋ كەزىندە قوسىلعان قۇن سالىعى «نولدىك» مولشەرمەن ەسەپتەلەتىن بولادى جانە قوسىلعان قۇن سالىعى بايقوڭىردا ءبىر رەت 18 پايىزبەن ءوندىرىپ الىنادى. وسىنداي پرينسيپ بايقوڭىر قالاسىنان قازاقستاننىڭ باسقا اۋماعىنا تاۋار ساتىلعاندا دا قولدانىلاتىن بولادى»، - دەدi مينيستر.

ب.سۇلتانوۆ اتاپ وتكەندەي، جۇمىستاردى ورىنداۋ مەن قىزمەتتەردى كورسەتۋ كەزىندە سالىناتىن قوسىلعان قۇن سالىعى بويىنشا دا وسىنداي ءتاسىل پايدالانىلادى.