بۇعان دەيىن حابارلانعانىنداي، قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا 29-30 قىركۇيەك كۇندەرى ازەربايجان رەسپۋبليكاسىندا ساپارمەن بولىپ، وندا V باكۋ حالىقارالىق گۋمانيتارلىق فورۋمىنا قاتىستى. مەملەكەتتىك حاتشى ساپار بارىسىندا، سونداي-اق، ازەربايجان رەسپۋبليكاسىنىڭ پرەمەر-مينيسترىمەن، ميللي مەدجليسىنىڭ توراعاسىمەن جانە باسقا دا جوعارى مەملەكەتتىك لاۋازىم يەلەرىمەن كەزدەسىپ، ەكىجاقتى مادەني-گۋمانيتارلىق قارىم-قاتىناستاردى ودان ءارى نىعايتۋدىڭ كەلەلى ماسەلەلەرىن تالقىلادى.
قازاقستاننىڭ تامىرى ورتاق، ءتۇبى ءبىر تۇركىتىلدەس ەلدەردىڭ ءبىرى ازەربايجان رەسپۋبليكاسىمەن اراداعى ديپلوماتيالىق قارىم-قاتىناستارى 1992 جىلدىڭ تامىزىندا ورنادى. شيرەك عاسىرعا جۋىق ۋاقىتتا ەكىجاقتى سان-سالالى بايلانىستاردىڭ ءورىسى كەڭەيىپ، جىلدان-جىلعا نىعايۋدا. بۇگىنگى تاڭدا تاراپتىق قارىم-قاتىناستار قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ 2005 جىلى باكۋگە جاساعان رەسمي ساپارىنىڭ قورىتىندىلارى بويىنشا قول قويىلعان ستراتەگيالىق سەرىكتەستىك جانە وداقتاستىق قارىم-قاتىناستار تۋرالى كەلىسىمگە سايكەس وركەندەۋدە. ەكى ەل كوپقىرلى فورماتتاعى حالىقارالىق جانە وڭىرلىك ۇيىمدار اياسىندا دا بەلسەندى ءوزارا ءىس-قيمىل جاساسىپ كەلەدى. ءناتيجەسىندە قازاقستان-ازەربايجان اراسىندا قول قويىلعان ءتۇرلى سيپاتتاعى 100-گە جۋىق شارتتار مەن ۇكىمەتارالىق كەلىسىمدەر، حاتتامالار مەن مەموراندۋمدار باۋىرلاس ەلدەرءدى مەيلىنشە جاقىنداتا تۇسەتىن ماڭىزدى قۇجاتتاردىڭ قاتارىنا شىقتى.
مەملەكەتتەر اراسىنداعى ءوزارا ساۋدا كولەمى دە ورىستەپ، 2015 جىلى 125،5 ملن اقش دوللارىن قۇرادى. قازاقستاننان اتالعان ەلگە نەگىزىنەن مۇناي جانە گاز، حيميالىق شيكىزاتتار، استىق ونىمدەرى ەكسپورتتالادى.
اسىرەسە، قوس مەملەكەت اراسىنداعى رۋحاني-مادەني بايلانىستار تامىرى جىل وتكەن سايىن تەرەڭدەي تۇسۋدە. وتكەن جىلى باكۋ مەملەكەتتىك ۋنيۆەرسيتەتىنىڭ بازاسىندا قازاق حاندىعىنىڭ 550 جىلدىعى مەن اباي قۇنانبايەۆتىڭ 170 جىلدىعىنا ارنالعان حالىقارالىق كونفەرەنسيا وتكىزىلسە، بيىلعى جىلدىڭ مامىر ايىندا اقىن ولجاس سۇلەيمەنوۆ ءوزىنىڭ ادەبي-قوعامدىق قىزمەتىندە ازەربايجاننىڭ جەتىستىكتەرىن جارىققا شىعارۋعا قوسقان ەلەۋلى ۇلەسى ءۇشىن ازەربايجان رەسپۋبليكاسى پرەزيدەنتىنىڭ قۇرمەت ديپلومىمەن ماراپاتتالدى. سوڭعى جىلدارى ءبىلىم، سپورت سالالارى بويىنشا دا ءوزارا بايلانىستار جاقسى جولعا قويىلۋدا.
ازەربايجان ەلىنىڭ الەمدىك قاۋىمداستىق دەڭگەيىندەگى رۋحاني باستامالارىنىڭ قاتارىنا ەنىپ، وسىمەن بەسىنشى رەت وتكىزىلىپ وتىرعان باكۋ حالىقارالىق گۋمانيتارلىق فورۋمىنا الەمنىڭ 100-دەن استام ەلى مەملەكەتتىك قۇرىلىمدارىنىڭ وكىلدەرى، سونىڭ ىشىندە نوبەل سىيلىعىنىڭ لاۋرەاتتارى، بەلگىلى عىلىم، مادەنيەت جانە ونەر قايراتكەرلەرى، ساراپشىلار قاۋىمداستىعىنىڭ وكىلدەرى قاتىستى.
فورۋمنىڭ اشىلۋ سالتاناتىندا ازەربايجان رەسپۋبليكاسىنىڭ پرەزيدەنتى يلحام الييەۆ، سونداي-اق بۇۇ، يۋنەسكو جانە يسەسكو وكىلدەرى قۇتتىقتاۋ ءسوز سويلەدى.
فورۋمنىڭ پلەنارلىق وتىرىسىندا سويلەگەن سوزىندە قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا V باكۋ حالىقارالىق گۋمانيتارلىق فورۋمى – بۇل قوعامنىڭ قاي باعىتتا ىلگەرىلەپ، قايدا بارا جاتقانىن ءتۇبىرلى تۇسىنىك بەرەتىن الەمدىك اۋقىمداعى الاڭ ەكەنىن ەرەكشە اتاپ ءوتتى. ءوزىنىڭ بايسالدىلىعىمەن تانىلعان بۇل ءىس-شارادا ححI عاسىردىڭ جاھاندىق سىن-قاتەرلەرىنە جاۋاپتار ىزدەستىرىلىپ كەلەدى.
مەملەكەتتىك حاتشى بايانداما بارىسىندا قازىرگى زاماننىڭ باستى پروبلەماسى حالىقتار اراسىندا سەنىم مەن ءوزارا ءتۇسىنىستىكتىڭ بولماۋىنان ەكەنىنە توقتالدى. ول فورۋمعا قاتىسۋشىلار نازارىن الەمدىك اپاتتاردىڭ الدىن الۋدىڭ نەگىزگى قاعيداتتارىن قامتىعان قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ «الەم. ءححى عاسىر» اتتى مانيفەسىنە اۋداردى. وسىنىڭ نەگىزىندە، قازاقستان باسشىسى بۇۇ باس اسسامبلەياسىنىڭ 70ء-شى سەسسياسىندا 2045 جىلعا دەيىنگى جاھاندىق ستراتەگيالىق باستامالاردىڭ جوسپارىن ازىرلەۋدى ۇسىنعانىن ايتتى. بۇل جوسپار بارلىق ۇلتتاردىڭ ينفراقۇرىلىمدارعا، رەسۋرستار مەن نارىقتارعا تەڭ دارەجەلى قولجەءتىمدىلىگى نەگىزىندە سوعىستار مەن قاقتىعىستاردىڭ سەبەپتەرىن جويۋعا باعىتتالعان.
بۇعان دەيىنگى ءتورت فورۋم اتالعان پىكىرتالاس الاڭىنىڭ تيىمدىلىگىن دالەلدەدى. سوندىقتان وسىنداي ىرگەلى ءىس-شارانى وتكىزۋ ءشۇباسىز دۇنيەجۇزىلىك مادەنيەتارالىق جانە مەملەكەتارالىق ديالوگتىڭ دامۋىنا ەلەۋلى ۇلەس قوسادى. قازىرگى الەمدە جاھاندانۋ ءۇردىسى ءتۇرلى مادەنيەتتەر مەن ءدىني نانىم-سەنىمدەردىڭ ۇلكەن اۋقىمدا تۇيىسۋىنە جول اشۋدا. ۇلتارالىق، ءدىنارالىق جانە كونفەسسياارالىق ءۇنقاتىسۋ نەگىزگى باسىمدىقتاردىڭ قاتارىنا كوتەرىلۋدە، دەدى ءوز سوزىندە گۇلشارا ءابدىقالىقوۆا.
بۇدان كەيىن مەملەكەتتىك حاتشى 25 جىل ىشىندە قازاقستان باسشىسىنىڭ ولشەۋسىز ەڭبەگىنىڭ ارقاسىندا ەلىمىزدە ورنىققان كەلىسىم مەن بىرلىكتىڭ بىرەگەي مودەلى تۋرالى بايانداپ بەردى. قازىرگى تاڭدا قازاقستاندا 100-دەن استام ەتنوستىق توپتار مەن 18 كونفەسسيانىڭ وكىلدەرى بەيبىتقاتار ءومىر سۇرۋدە. تاۋەلسىزدىكتىڭ العاشقى كۇنىنەن باستاپ ءبىزدىڭ ەلىمىز ازاماتتاردىڭ تەڭدىگى، ەتنوسارالىق كەلىسىم مەن جالپىۇلتتىق بىرلىكتى نىعايتۋ، تۇراقتىلىقتى ساقتاۋ ساياساتىن جۇرگىزىپ كەلەءدى. 1995 جىلى قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ باستاماسىمەن قازاقستان حالقى اسسامبلەياسى قۇرىلدى. اسسامبلەيا – بۇل مەملەكەت باسشىسى جەتەكشىلىك ەتەتىن كونستيتۋسيالىق ورگان. ونىڭ باستى ماقساتى تەڭدىك، جالپى قۇندىلىقتار مەن ازاماتتىق نەگىزدە ءبىرتۇتاس قازاقستان حالقىن قالىپتاستىرۋ بولىپ تابىلادى. بۇل بىرەگەي قوعامدىق جانە جالپىحالىقتىق ينستيتۋت ەلىمىزدىڭ 1 338 ەتنومادەني بىرلەستىگىنىڭ، قوعامدىق كەلىسىمنىڭ 1 933 كەڭەءسىءنىڭ جۇمىسىن ۇيلەستىرەدى، پارلامەنت ءماجىلىسىنىڭ 9 دەپۋتاتىن سايلايدى.
گۇلشارا ءابدىقالىقوۆا، سونداي-اق، ءبىز جالپى ازاماتتىق جانە پاتريوتتىق قۇندىلىقتارعا قۇرىلعان «ماڭگىلىك ەل» جالپىۇلتتىق يدەياسىنا توپتاسۋدامىز، دەپ اتاپ ءوتتى. بۇل جاسامپاز قازاقستاندىق ءپاتريوتيزمنىڭ نەگىزى بولىپ تابىلادى. قوعامنىڭ بىرىكءتىءرۋشى ۇرانى «بىرلىك ءارالۋاندىلىقتا» دەپ اتالادى. ءبىز الداعى ۋاقىتتا دا قازاقستاندىق بىرلىك پەن بىرتەكتىلىكتى ءبىرتۇتاس ازاماتتىق قاعيداتتارىنىڭ جانە «ءماڭگىلىك ەل» جالپىۇلتتىق قۇندىلىقتارىنىڭ نەگىزىندە نىعايتاتىن بولامىز. بۇگىنگى تاڭدا قازاقستان الەمدىك قاۋىمداستىقتىڭ بەلسەندى قاتىسۋشىسى بولىپ تابىلادى جانە پروگرەسشىل جاھاندىق باستامالارعا جان-جاقتى قولداۋ كورسەتۋدە. بەيبىتشىلىك پەن تۇراقتىلىقتى قامتاماسىز ەتۋدىڭ ماڭىزدى فاكتورلارىنىڭ ءبىرى ورنىقتى دامۋ، ەكونوميكالىق ساتىلاپ ءوسۋ بولىپ تابىلادى. بۇۇ-نىڭ ورنىقتى دامۋدىڭ 17 ماقساتتارى ءبىزدىڭ ۇلتتىق، وڭىرلىك جانە جاھاندىق دەڭگەيدە كەدەيشىلىكتى جويۋ جانە ازاماتتار ءۇشىن بارىنشا جايلى، سالاماتتى، ءقاۋىپسىز جانە ۇيلەسىمدى ءومىردى قامتاماسىز ەتۋگە باعىتتالعان بىرلەسكەن ءىس-قيمىلدارىمىزدىڭ شىن مانىندەگى جاھاندىق نەگىزى سانالادى.
ەلىمىزدىڭ باستى باعدارلامالىق قۇجاتى – «قازاقستان-2050» ستراتەگياسى ورنىقتى دامۋدىڭ جاھاندىق كۇن تارتىبىمەن ۇندەسىپ وتىر. ءبىزدىڭ ماقساتىمىز – ءبىلىمدى، زەرتتەۋدى، عىلىمدى، مەديسينانى، يننوۆاسيالار مەن تەحنولوگيالاردى ينۆەستيسيالاۋ ارقىلى ءبىلىم ەكونوميكاسىنا جانە جوعارى تەحنولوگيالار سەكتورىن دامىتۋعا كوشۋ بولىپ تابىلادى. بۇل قازاقستاننىڭ 2050 جىلى الەمنىڭ ەڭ دامىعان 30 ەلىنىڭ قاتارىنا كىرۋىنە مۇمكىندىك تۋعىزباق.
مەملەكەتتىك حاتشى ءوز بايانداماسىندا ەلباسى بەلگىلەپ بەرگەن بەس ينستيتۋتتىق رەفورمانىڭ ماڭىزدىلىعىنا توقتالدى. كاسىبي مەملەكەتتىك اپپارات قۇرۋ، زاڭنىڭ ۇستەمدىگىن قامتاماسىز ەتۋ، يندۋستريالاندىرۋ جانە ەكونوميكالىق ءوسىم، بىرتەكتىلىك پەن بىرلىك، ەسەپ بەرەتىن مەملەكەتتى قالىپتاستىرۋ سياقتى حالىقتىق رەفورمانىڭ نەگىزىندە بيىلعى جىلدىڭ باسىنان بەرى «100 ناقتى قادام» ۇلت جوسپارى جۇزەگە اسىرىلۋدا.
باكۋ فورۋمىنىڭ شەڭبەرىندە مەملەكەتتىك حاتشى گۇلشارا ءابءدىقالىقوۆا ازەربايجان رەسپۋبليكاسى ميللي مەدجليسىنىڭ ءتوراعاسى وكتاي اسادوۆپەن كەزدەستى. مەملەكەتتىك حاتشى قازاقستان – ازەربايجان قارىم-قاتىناستارى جوعارعى سەرپىندە ەكەندىگىنە توقتالدى. گۇلشارا ءابدىقالىقوۆا اعىمداعى جىلى قازاقستان پرەزيدەنتى نۇرسۇلتان نازاربايەۆتىڭ رەسمي ساپارى ەكىجاقتى قارىم-قاتىناستاردىڭ ماڭىزدى وقيعاسىنا اينالاتىنىن اتاپ ءوتتى. گۇلشارا ءابدىقالىقوۆا قازاقستاندىق باستامالارعا بۇلجىماس قولداۋ كورسەتىپ وتىرعانى ءۇشىن ازەربايجان تاراپىنا شىنايى ريزاشىلىعىن ءبىلدىرىپ، استانادا ەكسپو-2017 حالىقارالىق كورمەسىن وتكىزۋدەگى دايىندىق بويىنشا ءىس-شارالارعا بەلسەندى قاتىسۋلارى ءۇشىن العىس ايتتى. سونىمەن بىرگە، ەكەۋارا اڭگىمەلەسۋ كەزىندە مەملەكەتتىك حاتشى ازەربايجاننىڭ ۇستىمىزدەگى جىلى بۇۇ اياسىندا وركەنيەتتەر اليانسىنىڭ جاھاندىق فورۋمىن تابىستى وتكىزۋىمەن قۇتتىقتاپ، اتالعان ءىس-شارادا قازاقستاننىڭ جوعارى دەڭگەيدە ات سالىسقانىن اتاپ ءوتتى. ازەربايجان ەلى مۋلتيكۋلتۋراليزم جىلى دەپ بەلگىلەگەن بيىلعى جىلى ناق وسىنداي كەڭ اۋقىمداعى ءىس-شارانىڭ وتكىزىلۋى باۋىرلاس ازەربايجاننىڭ الەمدىك دەڭگەيدەگى بەدەلىن ارتتىرا تۇسەتىنىنە سەنىم ءبىلدىردى.
سول كۇنى قازاقستان رەپسۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا ازەربايجان رەسپۋبليكاسىنىڭ ءبىرىنشى حانىمى، گەيدار الييەۆ قورىنىڭ پرەزيدەنتى مەحريبان الييەۆامەن كەزدەستى. مەحريبان الييەۆامەن كەزدەسۋ بارىسىندا مەملەكەتتىك حاتشى ەلدەرىمىز اراسىنداعى قارىم-قاتىناستاردى دامىتۋدا قوس مەملەكەت باسشىلارىنىڭ وسىدان ون ءبىر جىل بۇرىن، 2005 جىلى قول قويعان ستراتەگيالىق سەرىكتەستىك جانە وداقتاستىق قارىم-قاتىناستار تۋرالى كەلىسىمگە سايكەس دامىپ جاتقانىن اتاپ كورسەتتى.
تۇتاستاي العاندا، ازەربايجاندا وتكەن فورۋم اياسىندا مۋلتيكۋلتۋراليزمدى دامىتۋ، ادامداردىڭ جاپپاي كوشۋ جاعدايىندا ادامي كاپيتالدى ساقتاپ قالۋ، ورنىقتى دامۋ ماسەلەلەرىن قامتيتىن دوڭگەلەك ۇستەلدەر ۇيىمداستىرىلدى. ءىس-شارا قورىتىندىسى بويىنشا V باكۋ حالىقارالىق گۋمانيتارلىق فورۋمىنىڭ دەكلاراسياسى قابىلداندى.
ازەربايجانعا جاساعان ساپارىنىڭ ەكىنشى كۇنى قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا قازاقستان تاۋەلسىزدىگىنىڭ 25 جىلدىعىنا ارنالعان ءىس-شاراعا قاتىسىپ، V باكۋ حالىقارالىق گۋمانيتارلىق فورۋمىنىڭ شەڭبەرىندە ازەربايجاننىڭ ءبىرقاتار رەسمي تۇلعالارىمەن كەزدەسۋلەرىن جالعاستىردى.
قازاقستان رەسپۋبليكاسى ءتاۋەلسىزدىگىنىڭ 25 جىلدىعىنا ارنالعان كەزدەسۋگە «قازاقستان – ازەربايجان» دوستىق قوعامىنىڭ بەلسەندى مۇشەلەرى، بيزنەس قاۋىمداستىعىنىڭ وكىلدەرى، وتانداستار قاتىستى. مەملەكەتتىك حاتشى شيرەك عاسىر ىشىندە قازاقستان ەلەۋلى جەتىستىكتەرگە قول جەتكىزگەنىن اتاپ ءوتتى. ومىرلىك ىس-ارەكەتتىڭ ءتۇرلى سالالارىندا تۇبەگەيلى رەفورمالار جۇرگىزىلدى. جينالعاندار الدىندا سويلەگەن سوزىندە مەملەكەتتىك حاتشى ۇزاق مەرزىمگە بەلگىلەنگەن الەۋمەتتىك باسىمدىقتار حالىقتىڭ ءومىر ءسۇرۋ دەڭگەيى مەن الەۋمەتتىك قولداۋمەن قامسىزداندىرۋ بويىنشا جاقسى ناتيجەلەر بەرىپ جاتقانىن ايتتى.
تاۋەلسىزدىكتىڭ 25 جىلىندا الەۋمەتتىك سالادا كەدەيشىلىك 47%-دان 2،5%-عا، جۇمىسسىزدىق دەڭگەيى 13-تەن 5 %-عا ازايىپ، حالىقتىڭ تابىسى ادام باسىنا شاققاندا 28 دوللاردان 302 دوللارعا دەيىن ارتتى. حالىقتىڭ جان باسىنا شاققانداعى ءىجو كولەمى تاۋەلسىزدىكتىڭ العاشقى جىلى 300 دوللاردى قۇراسا، 2015 جىلى بۇل كورسەتكىش 10،5 مىڭ دوللارعا جەتتى. ءبىزدىڭ ەلىمىز ءۇشىن ادامي كاپيتالدى ينۆەستيسيالاۋ باستى باسىمدىق بولىپ سانالادى. رەسپۋبليكامىزدا بالا تۋۋ كورسەتكىشى الدەقايدا جوعارىلادى. جۇيەلى جۇرگىزىلگەن جۇمىستىڭ ناتيجەسىندە قازاقستاندا ءومىر ءسۇرۋ جاسى 72-گە دەيىن كوتەرىلدى.
گۇلشارا ءابدىقالىقوۆا بىرلىكءتىڭ، ىنتىماقتىڭ جانە رۋحىمىزدىڭ بەرىكتىگىنىڭ ارقاسىندا ءبىز ەكونوميكالىق دامۋعا، ازاماتتىق كەلىسىمگە قول جەتكىزدىك دەپ اتاپ ءوتتى. قازاقستان ەلباسى نۇرسۇلتان ءابىش ۇلى نازاربايەۆ ۇسىنعان بەس ينستيتۋتتىق رەفورمادا كوشۋ ساتىسى ايقىندالعان مەملەكەتتىك قۇرىلىستىڭ جاڭا ساپالى كەزەڭىنە كوشتى. «ماڭگىلىك ەل» جالپىۇلتتىق پاتريوتتىق يدەياسى ۇلت جوسپارىنىڭ نەگىزگى باعدارىنا اينالدى.
كەزدەسۋ بارىسىندا گۇلشارا ءابدىقالىقوۆا قازاقستاننىڭ تاۋەلسىزدىك جىلدارى ىشىندەگى الەۋمەتتىك-ەكونوميكالىق سالاداعى جەتىستىكتەرى تۋرالى ايتتى، سونداي-اق ەلىمىزدىڭ حالىقارالىق دەڭگەيدە مويىندالعان باستامالارىنا ەگجەي-تەگجەيلى توقتالدى. مەملەكەتتىك حاتشى كەزدەسۋگە قاتىسۋشىلاردىڭ نازارىن اعىمداعى جىلى ۆاشينگتوندا وتكەن يادرولىق قاۋىپسىزدىك ءجوءنىندەگى جاھاندىق سامميتتە قازاقستان پرەزيدەنتى ن.ءا.نازاربايەۆ جاريا ەتكەن «الەم. XXI عاسىر» مانيفەسىنە كەڭىرەك توقتالدى. «بۇل قازاقستاننىڭ بەيبىتشىلىك پەن جاسامپازدىققا اينىماستىعىنىڭ جارقىن دالەلى رەتىندە قىزمەت ەتىپ، بۇگىنگى كۇننىڭ شىندىعىنا وبەكتيۆتى باعا بەرەتىن بۇكىل ادامزاتقا ارنالعان اشىق ۇندەۋ»، دەدى مەملەكەتتىك حاتشى.
سول كۇنى مەملەكەتتىك حاتشى گۇلشارا ءابدىقالىقوۆا ازەربايجان رەسپۋبليكاسىنىڭ پرەمەر-مينيسترى ارتۋر تاير وعلى راسيزادەمەن كەزدەستى. قازاقستان – ازەربايجان قارىم-قاتىناستارىنىڭ، ونىڭ ىشىندە ساۋدا-ەكونوميكالىق ىنتىماقتاستىقتى ودان ءارى دامىتۋدىڭ وزەكتى ءماسەلەلەرى تالقىلاندى. ايتالىق، 2015 جىلدىڭ قورىتىندىسى بويىنشا تاۋار اينالىمى 116،8 ملن اقش دوللارىن قۇرادى. تاراپتار ءوزارا ءتيىمدى ارىپتەستىكتى ودان ءارى دامىتۋدىڭ ايتارلىقتاي الەۋەتىن اتاپ ءوتتى.
V باكۋ حالىقارالىق گۋمانيتارلىق فورۋمىنىڭ سوڭىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا ازەربايجان رەسپۋبليكاسى وتباسى، ايەلدەر جانە بالالار ماسەلەلەرى ءجونىندەگى مەملەكەتتىك كوميتەتىءنىڭ ءتورايىمى يدجران گۋسەينوۆامەن كەزدەستى. گۇلشارا ءابدىقالىقوۆا گەندەرلىك تەڭدىك ستراتەگياسىنىڭ ىسكە اسىرىلۋى بيىل اياقتالاتىنىن اتاپ ءوتىپ، مەملەكەت باسشىسىنىڭ تاپسىرماسىنا سايكەس 2030 جىلعا دەيىنگى قازاقستان رەسپۋبليكاسىندا گەندەرلىك جانە وتباسىلىق ساياسات جونىندەگى تۇجىرىمداماسىنىڭ ازىرلەنىپ جاتقانىن ايتتى.
قورىتا ايتقاندا، مەملەكەتتىك حاتشىنىڭ ازەربايجانعا جاساعان ەكى كۇندىك جۇمىس ساپارى وسىنداي ماڭىزدى كەزدەسۋلەرگە، ءتيىمدى جۇزدەسۋلەرگە تولى بولدى. قازاقستان – ازەربايجان قارىم-قاتىناستارىن جاڭا ءبىر قىرىمەن ەسەلەپ، قوس ەل باسشىلارىنىڭ ءوزارا بايلانىستى ورىستەتۋگە نەگىزدەلگەن ۋاعدالاستىقتارىن ودان ءارى تەرەڭدەتۋگە، ۇلى دالا ەلىنىڭ رۋحاني-مادەني، الەۋمەتتىك-گۋمانيتارلىق جەتىستىكتەرىن جان-جاقتى تانىستىرۋعا مۇمكىندىك بەردى.
گاۋھار قاسىمجانوۆا،
قازاقستان رەسپۋبليكاسى مەملەكەتتىك حاتشىسى حاتشىلىعى مەڭگەرۋشىسىنىڭ ورىنباسارى
استانا – باكۋ – استانا
