جۋىقتا قحر-دىڭ شينجياڭ ۇيعىر اۆتونومياسىنداعى كىتاپ دۇكەندەرى مەن كىتاپحانالارىنا ورالحان بوكەيدىڭ ۇيعىر تىلىندەگى كوك كەسىرتكەنىڭ تەرىسىندەي الجاسىل مۇقابالى كىتابى سىرەستىرىلىپ ءتىزىلىپ جاتتى. ۇيعىر وقىرماندارى ءۇشىن تىڭ بۋدا پاراق ەسەپتەلەتىن قازاقتىڭ سۇيىكتى جازۋشىسىنىڭ اشارشىلىق ءزۇلماتىندا ءوز قاڭقالارىنىڭ تاۋ جاساپ، ابايسىزدا كولدىڭ كوزىن بىتەپ تاستارىن دا بىلمەي قالعان اڭعال دا قورعانسىز بابالارى ءۇشىن تۇتقان ازاسىنىڭ كۇيىگىمەن وسىرىلگەن «اتاۋكەرە» "گۇلدەرى " ەندى ۇيعىر تىلىندە «اجال ريزدىعى» دەگەن اتپەن تاكلاماكان القابىنا جول تارتتى.
اتالعان اۋدارما كىتاپ 3000تيراجبەن «شينجياڭ حالىق باسپاسىندا» باسىلىپ شىققان بولىپ، تاريحي روماندى قازاق تىلىنەن ۇيعىر تىلىنە اۋدارعان ءابدۋالى مۇقيت دەگەن ۇيعىر قالامگەرى بولىپ شىقتى.
الجاسىل مۇقابالى كىتاپتى قولىمىزعا الىپ ەڭ سوڭعى تاراۋلارىن پاراقتاعاندا «ءبىز نيمە ءۇچۇن؟(ءبىز نە ءۇشىن؟)» دەگەن سىرگەجيار سويلەم كوزىمىزگە وتتاي باسىلدى.
كوكبورى مۇباراك
