قامشى پورتالىنىڭ قورجىنىنا بىرەر ساعات بۇرىن وزدەرىن داۋلەت تۇرلىحانوۆ جانە ەربولات بەدەلقان دەپ تانىستىرعان ەكەۋدىڭ ءوزارا اڭگىمەسى جازىلعان اۋديو ءتۇستى. داۋلەت تۇرلىحانوۆتى تانىمايتىن قازاق جوق. قازاق ءۇشىن داۋلەت ۇلت ماقتانىشى ەكەندىگىن ەسكە سالا كەتەيىك. اۋديوجازبانى تىڭداي كەلە ءمان-جايدىڭ انىق-قانىعىن ءبىلۋ ماقساتىندا داۋلەت تۇرلىحانوۆقا ءتىلشىمىز قوڭىراۋ شالىپ، حابارلاما جازعان بولاتىن. وكىنىشكە وراي، داۋلەت مىرزامەن بايلانىس ورناتا المادىق. ىلە-شالا عالامتوردا اتالمىش اۋديوجازبا تارالىپ كەتكەنى جاريا بولدى. قامشى پورتالى دا ءوز كەزەگىندە بۇل جازبانى وقىرمان نازارىنا ۇسىنۋدى ءجون سانادى،
تەلەفون اڭگىمەسىندە ءوزىن داۋلەت تۇرلىحانوۆ دەپ تانىستىرعان ادام ەربولاتقا «Ninety One» توبى ءۇشىن سوگىس ايتتى. «نەمەنە شۋلاتىپ جۇرسىڭدەر، تەپسە تەمىر ۇزەتىن جىگىتتەر عوي بالالارىڭ، شەتەلدىكتەرگە ۇقسايدى عوي تۇرلەرى، شەتەلگە كەتىپ قالسىن» دەپ رەنجيدى تەلەفون اڭگىمەسىندەگى ادام. سونداي-اق ول Ninety One جىگىتتەرىنىڭ ستيلىنە بايلانىستى سوگىس ايتادى.
اڭگىمە بارىسىنان تەلەفون جازباسىنىڭ سوڭعى اپتادا عانا بولعانىن بايقاۋعا بولادى. سەبەبى تەلەفونداعى ديالوگتان تاۋەلسىزدىگىمىزدىڭ 25 جىلدىعىنا وراي، «قازاقستان» ۇلتتىق ارناسىنىڭ ارنايى جوباسى - 16 قاراشادا، «الماتى ارەنا» مۇز ايدىنىندا وتكەن «جىل تاڭداۋى» كەشى تۋرالى بىلۋگە بولادى. وزدەرىن دالۋەت تۇرلىحانوۆ جانە ەربولات بەدەلحان دەپ تانىستىرعاندار اڭگىمەسىندە، داۋلەت تۇرلىحانوۆ ەربولاتقا: «جاستاردى قۇرتاسىڭدار، جۇلدىز بولسا وزدەرىنە، ەل قارسى شىقتى ما، قايتۋ كەرەك» دەپ اقىلىن ايتادى.
پىكىر قالدىرۋ