قىرعىزستان پارلامەنتىنىڭ دەپۋتاتى، وپپوزيسيالىق «اتا مەكەن» فراكسياسىنىڭ جەتەكشىسى ومۋربەك تەكەبايەۆ پرەزيدەنت المازبەك اتامبايەۆقا يمپيچمەنت جاريالاۋ پروسەسىن باستاۋدى ۇسىندى، دەپ حابارلايدى ازاتتىق.
تەكەبايەۆ "اتامبايەۆ پەن ونىڭ ماڭايىنداعىلار بيلىكتى زاڭسىز باسىپ الىپ، وپپوزيسيالىق پارتيالاردىڭ قۇقىعىن شەكتەپ جاتىر. ال اتامبايەۆتىڭ ءوزى پرەزيدەنت قىزمەتىن اسىرا پايدالانىپ وتىر" دەدى.
22 قاراشادا تەكەبايەۆ رەسمي تۇردە "اتا مەكەن" فراكسياسى پرەزيدەنتكە يمپيچمەنت جاريالاۋعا قۇجاتتار جيناۋدى باستاعانىن ايتتى. ال قىرعىزستان پرەزيدەنتىنىڭ اپپاراتى اتامبايەۆقا يمپيچمەنت جاريالاۋ باستاماسىن "شوۋ" دەپ اتاعان.
قىرعىزستان كونستيتۋسياسىندا پرەزيدەنتكە يمپيچمەنت جاريالاۋ ءۇشىن دەپۋتاتتاردىڭ كەم دەگەندە ۇشتەن ءبىرى قولداۋ كەرەك. بۇعان قوسا كونستيتۋسياعا ساي پرەزيدەنتكە تاعىلعان ايىپ ءۇش ايدا دالەلدەنبەسە، نەگىزسىز دەپ تانىلادى.
