وليمپيادا چەمپيونىنىڭ دوپينگ داۋىنا قالعانى بارلىعىنا اۋىر سوققى بولىپ تيگەنىن ايتتى مادەنيەت جانە سپورت ۆيسە-مينيسترى ساكەن مۇسايبەكوۆ. «مەن ونىڭ بەيجىڭدەگى ونەرىن تاماشالادىم،  وليمپيادالىق رەكورد جاساعانىن لوندونعا بارىپ كوردىم. ادام رەتىندە، سپورتقا جاۋاپتى مينيسترلىكتىڭ قىزمەتكەرى رەتىندە وتە اۋىر. مينيستر مۇحامەديۇلىنا دا اۋىر سوققى بولىپ وتىر»، - دەدى ۆيسە-مينيستر. مۇنداي پىكىردى مادەنيەت جانە سپورت ۆيسە-مينيسترى ساكەن مۇسايبەكوۆ بىلدىرگەن. ونىڭ ايتۋىنشا يليا ءيليننىڭ اعزاسىنا تىيىم سالىنعان پرەپاراتتار سپورشىلارعا ارنالعان تاعامداردان جانە تاعام قوسپالارىنان ءتۇسۋى مۇمكىن. 

ايتا كەتەر بولساق، اتالعان جايتتىڭ مينيستر ارىستانبەك مۇحامەديۇلىنا قاتتى سوققىپ بولىپ تيەتىن ءجونى بار. 2014 جىلى ق ر مادەنيەت جانە سپورت مينيسترi ارىستانبەك مۇحامەدي ۇلى الماتىدا اۋىر اتلەتيكادان وتكەن الەم چەمپيوناتىندا ءانۇران شىرقالىپ تۇرعان كەزiندە يلينگە تەلەفون تاسىپ كۇلكىگە قالعان ەدى. كەيىن ونى زىلتەمىرشىنىڭ جەڭىسىنە قاتتى قۋانعانىمەن تۇسىندىرگەن بولاتىن. 

«سىزدەردى يليا يلين بارىنشا تولعاندىرىپ وتىر. ءبىراق، بىزدە دوپينگتەن زارداپ شەككەن سپورتشىلار كوپ. ولار دوپينگتىڭ بولعاندىعىن ايتقان ەمەس. وزدەرىڭىز دە بىلەتىندەي، 2008 جىلى كوپتەگەن سپورتشى زارداپ شەكتى. سول جىلى سىناما تاپسىرعاننان كەيىن ءبىزدىڭ سپورتشىلار تازا بولعان ەدى. لوندوندا دا تاپسىرعان سىنامالارى تازا بولدى. ءبىراق، 2013 جىلى قانداعى، سپورتشىنىڭ اعزاسىنداعى تىيىم سالىنعان پرەپاراتتاردى انىقتاۋدىڭ جاڭا ادىستەمەسى شىقتى. وكىنىشكە وراي، قالاي تۇسكەنىن بىلمەيمىن. دەگەنمەن، سپورتشىلارعا ارنالعان تاعامدار مەن تاعام قوسپالارىنا كۇدىگىم بار. سول ۋاقىتتا انىقتاي الماعان ەدى. الايدا، جاڭا تەحنولوگيا، زەرتتەۋدىڭ جاڭا ادىستەمەسى بۇل پرەپاراتتاردىڭ سپورتشىلاردا بار ەكەندىگىن كورسەتىپ وتىر»، - دەگەن مۇسايبەكوۆ ب ا ق وكىلدەرىنىڭ ساۋالىنا.