بۇگىنگى كۇنى قازاقستاندا ەكى جەردى قاشىقتىقتان زوندتاۋ (جقز) سپۋتنيگىنەن – «KazEOSat-1» (كەڭىستىكتىك ايىرۋ قابىلەتى جوعارى – 1 م.) جانە «KazEOSat-2» (كەڭىستىكتىك ايىرۋ قابىلەتى ورتاشا – 6،5 م.) جقز عارىش اپپاراتتارىنىڭ وربيتالىق توپتاماسى ءساتتى جۇمىس ىستەپ تۇر. ولار ءقازىر رەسپۋبليكاداعى اۋىل شارۋاشىلىعى، توتەنشە جاعدايلار، ەكولوگيا مەن تابيعاتتى پايدالانۋ، جەردى پايدالانۋ، گەودەزيا، كارتوگرافيا، قورعانىس جانە ۇلتتىق قاۋىپسىزدىك مىندەتتەرىن شەشۋ ءۇشىن جقز دەرەكتەرىنە تاۋەلسىز جانە شۇعىل تۇردە قول جەتكىزۋ تۇرعىسىنان ەلىمىزدىڭ قاجەتتىلىكتەرىن تولىق قامتاماسىز ەتەدى.

جقز عارىش جۇيەسى تاجىريبەلىك پايدالانۋ كەزەڭىندە (2014-2015 ج.ج.) مەملەكەتتىك ورگاندارعا نارىقتىق باعاسى شامامەن 5،4 ملرد. تەڭگەنى قۇرايتىن 7،4 ملن.ش.كم كولەمىندەگى اقىسىز نەگىزدە عارىش تۇسىرىلىمدەرىن بەرگەن بولاتىن.

جەردى قاشىقتىقتان زوندتاۋدىڭ ۇلتتىق عارىشتىق جۇيەسى وتكەن جىلى كوممەرسيالىق قۇرىلىمدارعا جالپى سوماسى 133،6 ملن. تەڭگە كولەمىندە قىزمەت كورسەتكەنىن اتاپ وتكەن ءجون.

2016 جىلدىڭ 1 قىركۇيەگىندە قازعارىش قازاقستاننىڭ مەملەكەتتىك ورگاندارىنا جانە ولاردىڭ ۇيىمدارىنا 10 ملن. ش.كم. اۋماقتىڭ تۇسىرىلىمدەرىن ۇسىندى. بۇل تۇسىرىلىمدەردىڭ كوممەرسيالىق قۇنى 6،27 ملرد. تەڭگەنى قۇرادى.