«قازگەولوگيا» اق قاراعاندى وبلىسىنىڭ كەرەي-وپار ۋچاسكەسىندە بۇرعىلاۋدىڭ ءار تۇرلەرى بويىنشا كەڭ اۋقىمدا جۇمىس ىستەي الاتىن «DandoWatertec» ماركالى جاڭا، كوپ فۋنكسيالى، وزدىگىنەن جۇرەتىن 2 بۇرعىلاۋ قوندىرعىسىن پايدالانىپ جۇمىس جۇرگىزۋ باستالدى.

«قازگەولوگيا» اق وندىرىسكە ەنگىزىپ وتىرعان بۇل قوندىرعىنى الەمدەگى ايگىلى «Dando Drilling International» كومپانياسى شىعارعان. (ۇلىبريتانيا).

كەرەي-وپار الاڭىنداعى گەولوگيالىق بارلاۋ جۇمىستارىن كومپانيا مەملەكەتتىك تاپسىرىس شەڭبەرىندە جۇرگىزۋدە. جۇمىستاردىڭ جالپى الاڭى 1728 ش. كم، ونىڭ ىشىندە گەوفيزيكالىق جۇمىستار ۋچاسكەسىندە شامامەن 200 ش. كم.قۇرايدى. اعىمداعى جىلى ۋچاسكەدە تەرەڭدىگى 140-تان  300 مەترگە دەيىن، جالپى كولەمى 3200 ق.م. 15 ۇڭعىمانى بۇرعىلاۋ جوسپارلانۋدا. بۇگىنگى تاڭدا شامامەن 500ق.م. بۇرعىلاندى. جۇمىس جوسپارىنا سايكەس   ۋچاسكەنى بۇرعىلاۋ جۇمىستارىن بيىل قاراشانىڭ العاشقى ونكۇندىگىندە اياقتاۋ كوزدەلۋدە.

الاڭدا بۇرعىلاۋ جۇمىستارى جۇرگىزىلەتىن 7 پەرسپەكتيۆالى ۋچاسكە انىقتالدى. ۋچاسكەلەردىڭ گەولوگيالىق تابيعاتى زەرتحانالىق جۇمىستاردى جۇرگىزۋ پروسەسى كەزىندە انىقتالاتىن بولادى.