قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى اەروعارىش كوميتەتىنىڭ ءتوراعاسى ەركىن شايماعامبەتوۆ باستاعان دەلەگاسيا جۇمىس ساپارىمەن فرانسيادان ورالدى.

كوميتەت ءتوراعاسى جۇمىس ساپارى بارىسىندا «Airbus Defence and Space» («Airbus D&S») فرانسۋز كومپانياسىنىڭ باسشىلىعىمەن كەزدەستى. سونداي-اق، «عالام» قازاقستان-فرانسۋز كاسىپورنىنىڭ («عالام» ج ش س) بايقاۋ كەڭەسىنىڭ (بك) وتىرىسىنا قاتىسىپ، تۋلۋزا قالاسىنداعى عارىش قالاشىعىن ارالاپ كوردى.

قازاقستاندىق دەلەگاسيا «Astrolabe» كاسىپورنىنداعى ارنايى «Airbus D&S» وپتيكالىق قۇرال-سايماندارىنىڭ عيماراتتارىن، «Airbus Geo Intellegence» ەنشىلەس كاسىپورنىنىڭ جەردى قاشىقتىقتان زوندتاۋ دەرەكتەرىن وڭدەۋ جانە تاراتۋ ورتالىعىن، «Intespace» كاسىپورنىنىڭ ۆيبراسيالىق ستەندىن، تەرموۆاكۋۋمدىق، ريەۆەربەراسيوندىق اكۋستيكالىق كامەرالارىن ارالاپ كوردى. اەروعارىش كوميتەتىنىڭ وكىلدەرى «Cite de l’Espace» عارىش-پاركىنە بارىپ، فرانسۋز رەسپۋبليكاسىنىڭ عارىش سالاسىن دامىتۋعا ارنالعان تاقىرىپتىق ەكسپوزيسيالارمەن تانىستى.

سونىمەن قاتار، ە.شايماعامبەتوۆ «تۋلۋزا قالاسىنداعى عارىش قالاشىعىنىڭ قۇرىلۋى مەن جۇمىس ىستەۋ تاجىريبەسى ءبىز ءۇشىن وتە قاجەت. ويتكەنى، ءبىز دە قازاقستاندا ۇلتتىق عارىش ورتالىعىن سالىپ جاتىرمىز. ونىڭ باستى نىسانى فرانسۋزدىق ارىپتەستەرمەن بىرلەسىپ سالىپ جاتقان عارىش اپپاراتتارىن قۇراستىرۋ-سىناۋ كەشەنى بولماق»، – دەپ اتاپ ءوتتى.

ءوز كەزەگىندە «Airbus D&S» بىرلەسكەن قازاقستاندىق-فرانسۋزدىق جوبالاردىڭ باس مەنەدجەرى حيۋگو لاپورت وسى كومپانيانىڭ عارىش جۇيەلەرىنىڭ باسشىسى، اتقارۋشى ۆيسە-پرەزيدەنتى نيكوليا ءشامۋسسيدىڭ اتىنان ە. شايماعامبەتوۆتى اەرعارىش كوميتەتىنىڭ ءتوراعاسى لاۋازىمىنا تاعايىندالۋىمەن قۇتتىقتادى.

«ءسىز ق ر يدم اەروعارىش كوميتەتىنىڭ ءتوراعاسى رەتىندە جاڭا لاۋازىمدا جۇمىس ىستەي وتىرىپ، قازاقستان مەن فرانسيانىڭ عارىشتىق باعدارلامالارىن ىسكە اسىرۋ مۇددەسىندەگى ءبىزدىڭ ناتيجەلى ىنتىماقتاستىعىمىزدى نىعايتۋعا، سونداي-اق الەمدىك عارىش قىزمەتىنىڭ كوشباسشىلارىنىڭ ءبىرى رەتىندە، قازاقستان رەسپۋبليكاسىنىڭ ءرولىن نىعايتۋ جونىندەگى ساياساتتى ودان ءارى جالعاستىرۋعا ىقپال ەتەدى دەپ سەنىم بىلدىرەمىز»، -دەدى ح. لاپورت.

بۇدان بولەك، قۇرامىندا «قازاقستان عارىش ساپارى» ۇك» اق مارات نۇرعوجين، «عالام» ج ش س باس ديرەكتورى باۋبەك ورالماعامبەتوۆ بار قازاقستاندىق دەلەگاسيا «Airbus D&S» ستراتەگيالىق سەرىكتەس وكىلدەرىمەن ءبىرقاتار كەزدەسۋلەر وتكىزدى.

بىرلەسكەن جوبالاردى ىسكە اسىرۋدىڭ العاشقى ناتيجەلەرى قاراستىرىلدى. قازاقستان رەسپۋبليكاسىنىڭ جەردى قاشىقتىقتان زوندتاۋ عارىش جۇيەسىنىڭ ناتيجەلەرى – بۇل عارىش تۇسىرىلىمدەرىنىڭ حالىقارالىق نارىققا شىعۋى.

«عارىش اپپاراتتارىنىڭ قۇراستىرۋ-سىناۋ كەشەنىن قۇرۋ ماسەلەسىنە باسا نازار اۋدارىلدى. ول ءۇشىن ءقازىر ەۋروپادان تەحنولوگيالىق جابدىقتاردى جەتكىزۋ جۇزەگە اسىرىلۋدا»، – دەپ اتاپ ءوتتى م. نۇرعوجين.

سونىمەن قاتار، تاراپتار ودان ءارى ىنتىماقتاستىق جونىندەگى پەرسپەكتيۆالىق جوبالاردى تالقىلادى.