نەگىزگى كاپيتالعا سالىنعان ينۆەستيسيانىڭ وڭ ديناميكاسى ساقتالىپ وتىر. بۇل تۋرالى ق ر ينۆەستيسيالار جانە دامۋ ءمينيسترى جەڭىس قاسىمبەك ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ءمالىم ەتتى.
«2016 جىلدىڭ 8 ايىندا نەگىزگى كاپيتالعا سالىنعان ينۆەستيسيا كولەمى 4،8% ءوستى (4،3 ترلن. تەڭگە – 12،6 ملرد. دوللار). نەگىزگى كاپيتالعا سالىنعا ينۆەستيسيانىڭ ۇشتەن ءبىرىن سىرتقى ينۆەستيسيا قۇرايدى (35،4 % نەمەسە 1،3 ترلن. تەڭگە (3،8 ملرد. دولل.). بيىل ءبىرىنشى جارتىجىلدىقتا تىكەلەي شەتەلدىك ينۆەستيسيانىڭ كەلۋى ارتىپ، 5،7 ملرد. دوللاردى قۇرادى»، - دەپ اتاپ ءوتتى مينيستر.
سونداي-اق مينيستر ينۆەستيسيا كولەمى ارتقان سالالاردى اتادى.
«يندۋستريالاندىرۋ باعدارلاماسىنىڭ ارنايى باعىتتالعان سالالارىنا: حيميا ونەركاسىبى، فارماسيەۆتيكا، ماشينا جاساۋعا كەلەتىن ينۆەستيسيا كولەمى ارتتى. شەتەلدىك ينۆەستيسيا تارتۋ بويىنشا وڭ ديناميكانىڭ قالىپتاسۋى ەلىمىزدەگى ينۆەستيسيالىق احۋالدىڭ جاقسارۋىمەن بايلانىستى»،-دەدى ج.قاسىمبەك.
ق ر ينۆەستيسيالار جانە دامۋ ءمينيسترىنىڭ ايتۋىنشا، 2017 جىلى ەىدۇ-نىڭ ينۆەستيسيالار كوميتەتىنە كىرۋ بويىنشا جوسپارلى جۇمىس جۇرگىزىلۋدە. بۇل قازاقستاننىڭ ينۆەستيسيالىق احۋالى الەمدىك ستاندارتتارعا سايكەس ەكەنىن كورسەتەدى.
مينيستر ج.قاسىمبەك ينۆەستورلارعا كورسەتىلەتىن قولايلى جاعدايلارعا دا توقتالدى.
«2016 جىلدان باستاپ ينۆەستورلار ءۇشىن «ءبىر تەرەزە» قاعيداتى (300-دەن استام مەملەكەتتىك قىزمەت) ەنگىزىلدى. 3500-دەن استام ينۆەستورعا كەڭەس بەرىلسە، 3300-دەن استامىنا مەملەكەتتىك قىزمەت كورسەتىلدى. وسى مۇمكىندىكتى پايدالانا وتىرىپ، كەلەسى جىلدان باستاپ «ءبىر تەرەزە» ەلەكتروندى فورماتقا كوشەتىنىن ايتا كەتەيىن»،-دەدى جەڭىس ماحمۋد ۇلى.
