ورتالىق كوممۋنيكاسيالار قىزمەتىندە تاۋەلسىز ەلىمىزدىڭ 25 جىل ىشىندەگى ماشينا جاساۋ سالاسىن دامىتۋعا ارنالعان باسپا ءسوز كونفەرەنسياسى ءوتتى.
وعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «قازاقستان ماشينا جاساۋشىلار وداعى» زتب باسقارماسىنىڭ ءتوراعاسى مەيرام پىشەمبايەۆ پەن قازاقستان رەسپۋبليكاسى ينۆەستيسيالار جانە دامۋ ءمينيسترىنىڭ ءبىرىنشى ورىنباسارى البەرت راۋ قاتىستى.
مەيرام پىشەمبايەۆ ءوز سوزىندە بۇل سالانىڭ تاۋەلسىزدىك جىلدارىندا ايتارلىقتاي ءوسىم كورسەتكەنىن تىلگشە تيەك ەتتى. «90-جالدارى وڭدەۋشى ونەركاسىپتە ماشينا جاساۋ سالاسىنىڭ ۇلەسى شامامەن 15 % قۇرادى. 90-جىلداردىڭ سوڭىنا قاراي اتالمىش كورسەتكىش 5%-عا دەيىن تومەندەدى. الايدا، ەلدىڭ جانە مەملەكەت باسشىسىنىڭ بەلسەندى قولداۋىنىڭ ارقاسىندا سالا ءبىر ورىندا تۇرىپ قالمادى. قازاقستان رەسپۋبليكاسى تاۋەلسىزدىك العاننان بەرى ماشينا جاساۋ ءوندىرىسىنىڭ كولەمى 17 ەسەگە ءوستى. ءوندىرىس 2013-2014 جىلدارى ەڭ جوعارعى كورسەتكىشكە جەتتى. بۇل ۋاقىتتا تابىس جىلىنا 950 ملرد. تەڭگەنى قۇرادى» - دەدى ماشينا جاساۋشىلار وداعىنىڭ باسشىسى.
90 جىلداردىڭ ورتاسىنداعى داعدارىستا نەگىزگى كاپيتالعا ينۆەستيسيا 60 ەسە ءوستى. 2015 جىلدىڭ قورىتىندىسى بويىنشا 56 ملرد.تەڭگەنى قۇرادى،-دەپ اتاپ ءوتتى پىشەمبايەۆ.
بۇگىندە، ماشينا جاساۋ سالاسىنىڭ الەمدىك كوشباسشىلارى General Electric، General Motors، Toyota، Alstom، Talgo، LG قاتىسۋىمەن قازاقستاندا بۇرىن سوڭدى ەلدە شىعارىلماعان – لوكوموتيۆ، ەلەكتروموبيل، تىكۇشاق سياقتى جاڭا جوعارى تەحنولوگيالىق ونىمدەر پايدا بولدى.
البەرت راۋ ءوز كەزەگىندە ق ر ييد مەملەكەتتىك باعدارلاماسىنىڭ ماشينا جاساۋ كەشەنىنىڭ دامۋىنا تىڭ سەرپىن بەرگەنىن ايتىپ ءوتتى. «يندۋستريالاندىرۋ باعدارلاماسىن ىسكە اسىرۋدىڭ العاشقى بەسجىلدىعىندا ماشينا جاساۋ قارقىندى دامىپ جاتقان سالاعا اينالدى: ءوندىرىس كولەمى 2010 جىلى 376 ملرد. تەڭگە بولسا، 2014 جىلى 905 ملرد. تەڭگەگە دەيىن ۇلعايدى. ياعني، 2،4 ەسە» - دەدى ق ر ينۆەستيسيالار جانە دامۋ ءمينيسترىنىڭ ءبىرىنشى ورىنباسارى.
ونىڭ ايتۋىنشا، يندۋستريالاندىرۋ مەملەكەتتىك باعدارلاماسى اياسىندا قازاقستاندىق كاسىپورىندار جوعارى تەحنولوگيالىق ءونىم دايىنداۋ ءۇشىن وندىرىستە زاماناۋي تەحنولوگيالار مەن جابدىقتاردى پايدالانۋدا.
