بۇگىن ق ر ينۆەستيسيالار جانە دامۋ ءمينيسترى جەڭىس قاسىمبەك «نۇر وتان» پارتياسىنىڭ رەسپۋبليكالىق قوعامدىق قابىلداۋىندا ازاماتتاردى جەكە ماسەلەلەرى بويىنشا قابىلدادى.

مينيستر جەڭىس قاسىمبەكتىڭ قوعامدىق قابىلداۋىنا كەلگەن ازاماتتاردىڭ سۇراقتارى كوبىنەسە ءومىردىڭ ءتۇرلى سالالارىنا يننوۆاسيالىق تەحنولوگيانى ەنگىزۋ ماسەلەلەرىنە بايلانىستى بولدى. بۇدان بولەك، استانا تۇرعىندارى مەن باسقا وبلىستىڭ وكىلدەرى مينيسترگە بەينە كونفەرەنسيالىق بايلانىس ارقىلى ءوز سۇراقتارىن قويۋ مۇمكىندىگىنە يە بولدى.

استانا قالاسىندا بالالار نيەۆرولوگيالىق ورتالىعىن قۇرۋ جوباسىن جۇزەگە اسىرۋعا گرانت پەن تەحنولوگيا ترانسفەرتىن الۋ ماسەلەسى بويىنشا مينيسترگە «Varus trade» كومپانياسىنىڭ باس ديرەكتورى ايگۇل ابدۋاليۆا جۇگىندى. ونىڭ ايتۋىنشا، اتالمىش جوبا نيەۆرولوگيالىق دەرتكە شالدىققان بالالاردى الدىن-الا دياگنوستيكادان وتكىزۋگە، بالالاردىڭ ءبىرىڭعاي دەرەكقورىن قۇرۋعا، سونىمەن قاتار، كلينيكا پەرسونالىن تۇراقتى تۇردە وقىتۋ ماقساتىندا قۇرىلاتىن بولادى. جوبا قۇنى شامامەن 400 ملن. تەڭگەنى قۇرايدى.

تاعى ءبىر يننوۆاسيالىق جوبانىڭ اۆتورى – جامبىل وبلىسىنىڭ تۇرعىنى تۇرعامبەك قىپشاقبايەۆ مينيستردەن ءوز تۋىندىسىن ەنگىزۋ بويىنشا كومەك سۇرادى. ونىڭ سوزىنشە، ونىڭ يننوۆاسيالىق جىلىتۋ قازاندىعى بۇگىنگى قازاندىقتارداعىداي ەمەس، جىلۋشىعىندارىن تومەندەتۋگە مۇمكىندىك بەرەدى. اتالمىش جۇيە ەكولوگيالىق تۇرعىدان جانە كومىر وتىنىن پايدالاناتىن كادىمگى قازاندىقتاردان ەداۋىر ءتيىمدى. 

استانالىق تۇرعىن گۇلجيان ورازالينوۆا اۆتورلىق ەكگ ناتيجەسىن قاشىقتىقتان جەتكىزۋ جۇيەسىن – ەكگ تەلەمەتريسيالىق جۇيەسىن سەريالى ءوندىرىسىن شىعارۋعا كومەكتەسۋىن سۇرادى. سيفرلى تەلەمەتريسيالىق كارديوگرافالاردى شىعارۋشى اۆتوردىڭ ايتۋىنشا، عىلىمي شىعارما رەتىندە ەۋروپالىق سەرتيفيكاتقا يە بولعان. اتالمىش جۇيە قاراعاندى وبلىسىنىڭ اۋرۋحانالارى مەن ەمحانالارىنداعى سىناقتاردان ءساتتى ءوتىپ، ساپاسى مەن تيىمدىلىگىنىڭ جوعارىلىعىن دالەلدەگەن.

ج.قاسىمبەك وزىنە جۇگىنگەن بارلىق جوبالار مەن يدەيا اۆتورلارىن مۇقيات تىڭداپ، تەحنولوگيالىق جانە يننوۆاسيالىق دامۋ دەپارتامەنتىنىڭ ديرەكتورىنا تاپسىرما بەردى. دەپارتامەنت ديرەكتورىنا جوبالاردى تولىق مەڭگەرىپ، اۆتورلاردىڭ ءتيىستى گرانت الۋ بايقاۋىنا قاتىسۋلارىنا كومەكتەسۋىن جۇكتەدى. سونىمەن قاتار، بۇل ماسەلەلەر ءوزىنىڭ جەكە باقىلاۋىندا بولاتىنىن ايتتى.

مينيستر ق ر ينۆەستيسيالار جانە دامۋ مينيسترلىگى بۇگىنگى تاڭدا يننوۆاسيالىق گرانت بويىنشا بيۋدجەتتىك باعدارلامانىڭ اكىمشىسى بولىپ تابىلاتىنىن اتاپ ءوتتى.

«يندۋستريالدى دامۋ باعدارلاماسىنىڭ ەكىنشى بەسجىلدىعى اياسىندا ءبىز اسىرەسە، جاڭا تەحنولوگيا ترانسفەرتى مەن يننوۆاسيالىق شەشىمدەر ارقىلى جاڭا جوبالاردى، جاڭا زاۋىتتار مەن كاسىپورىنداردى قۇرامىز. جاڭا كاسىپورىندار تەك جۇمىس ورنىدارىن قۇرىپ قانا قويماي، 10-15 جىلدان كەيىن باسەكەگە قابىلەتتى بولعاندارىن قالايمىز»،-دەدى مينيستر جەڭىس قاسىمبەك.