12- جەلتوقسان كۇنى الماتى قالاسى جەتىسۋ اۋدانى №87- جالپى ءبىلىم بەرەتىن مەكتەپتە «ىبىراي التىنسارين اتىنداعى توسبەلگى» يەگەرى، مەكتەپ ديرەكتورى – ءلاززات ءشايمۇرات قىزى شايكەنوۆا مەن «ۇزدىك پەداگوگ» توسبەلگىسىنىڭ يەگەرى - نۇرگۇل قانايبەكوۆا، زامزاگۇل جانييەۆا، ەربول ءىلياسوۆتاردىڭ ۇيىمداستىرۋىمەن قازاقستان رەسپۋبليكاسى تاۋەلسىزدىگىنىڭ 25 جىلدىق مەرەكەسىنە ارنالعان «تاتۋلىق پەن تەڭدىك جاراستىعى» اتتى شارا ءوتتى.

شارا اياسىندا اقىن، پۋبليسيست، قوعام قايراتكەرى، حالىقارالىق يۋنەسكو سىيلىعىنىڭ يەگەرى – جۇماش كەنەباي (كوكبورىنىڭ) 1986 جىلعى ايگىلى جەلتوقسان قاسىرەتىنە ارنالعان «زوبالاڭ» اتتى تاريحي داستانىنىڭ ساحنالىق نۇسقاسى ارادا 30 جىل وتكەننەن كەيىن تۇڭعىش رەت جۇرتشىلىق نازارىنا ۇسىنىلدى.

جۇماش كەنەبايدىڭ «زوبالاڭ» داستانىن ساحنالاعان رەجيسسەر، كينوتانۋشى عالىم، پروفەسسور - شاياحمەت يماش ۇلى.

اتالمىش مەكتەپ ۇجىمى اۆتوردى، مەكتەپ وقۋشىلارىن جانە رەجيسسەردى ەڭبەكتەرى ءۇشىن  قۇتتىقتادى!

بۇل شارادا № 87- مەكتەپتىڭ 11 «ا» جانە 11 «ءا» سىنىپ وقۋشىلارى:

نازەركە اسەتوۆا، دياس ۋاگاپ، ارايلىم سايات قىزى، ايگەرىم تويبولدى، بەكجان ورىنعازين، دينا ەرجان قىزى، گۇلبانۋ بازاربايەۆا، ينديرا دجەكسەنبينوۆا، ءاليا توقمۇحامەدوۆا، ديدار نۇرتاسوۆ، ايبەك سۇلتانوۆ، ۇلبالا نۇربەك، فارۋح حۇسايىنوۆ، ادىلەت سۇلتانعالييەۆ سىندى جاس ۇلاندار ونەر كورسەتتى.

بۇل ارادا باسا نازار اۋداراتىن ءبىر ماسەلە - №87-جالپى ءبىلىم بەرەتىن مەكتەپتە بۇگىندە 25 ۇلتتىڭ وكىلى وقيتىن بولىپ شىقتى.

ايگىلى جەلتوقسان قاسىرەتىنە ارنالعان شىعارما «زوبالاڭ» داستانىنىڭ اۆتورى جۇماش كەنەباي  مەكتەپ ۇجىمىنا، «زوبالاڭدا» ءرول سومداعان مەكتەپ وقۋشىلارىنا، قويىلىم رەجيسسەرى شاياحمەت يماشۇلىنا شەكسىز ريزاشىلىعى مەن العىسىن ءبىلدىردى...

بۇلعىن سۋسار