برازيليادا ادەمى ايەلدىڭ ۇلگىسى «ۇلكەن سانىنا» قاراي ەسەپتەلەدى. سول ءۇشىن ول جاقتا ەرەكشە سۇلۋلىق بايقاۋى ءار جىلى ءوتىپ تۇرادى. ونىڭ جەڭىمپازى الەمگە «ميسس بۋم-بۋم» رەتىندە تانىمال. ول قاتىسۋشىنىڭ سانى ەڭ ادەمى دەگەن ماعىنانى بەرەدى. ارينە مۇنداي شوۋلار شىتىرمان ساتتەرسىز وتپەيدى. قىزدار ارمانداعى تيتۋلدارىنا قول جەتكىزۋى ءۇشىن بارلىعىنا دايىن. كەيدە بۇل كەرى اسەرىن تيگىزىپ جاتادى.

27 جاستاعى اندرەسسا ۋراك – شوۋدىڭ تۇراقتى قاتىسۋشىلارىنىڭ ءبىرى. الايدا سانىن ۇلكەيتۋ ءۇشىن جاسالعان كەزەكتى وتانىڭ سالدارى وتە اۋىر بولدى. قىزدىڭ تەرىسىنە تارتىلعان گيدروگەل ۋلى بولىپ شىققان. قىزارا باستاعان سوڭ، قىزدى جاساندى دەمالدىرۋ اپپاراتىنا قوسۋعا تۋرا كەلگەن.

دارىگەرلەردە اندرەسسا اياعىنان ايىرىلىپ قالۋى مۇمكىن دەگەن ءقاۋىپ بولعان. باقىتىنا وراي، امپۋتاسياسىز اياقتالدى. ال ءبىراق ۇلكەن سانىنان قوش ايتىسۋعا تۋرا كەلدى.

ءساتسىز وتامەن قىزدىڭ ورگانيزمى كۇرەسە الدى. ال ول ەندىگى پوديۋمنىڭ مودەلى بولا المايدى.

اندرەسسا قۇداي ونى مانساپقۇمارلىعى ءۇشىن جازالادى دەپ ويلايدى. ءولىم اۋزىنان ارەڭ امان قالعان ول ءومىرىن تولىق ساراپتان وتكىزدى. وزىنە ساباق بولعانىن ايتادى.

ءقازىر بۇرىنعى مودەل تابيعي سۇلۋلىقتى ناسيحاتتايدى. ءوزىن مىسال كەلتىرە وتىرىپ، جاس قىزداردى وتادان اۋلاق بولۋعا شاقىرادى. اندرەسسانىڭ بۇل كەڭەسى باسقالارىنا دا وي سالىپ، جامان ادەتتىڭ بەتىن قايتارادى دەپ سەنەمىز!