بەرليننىڭ تەرگەۋشىلەرى دۇيسەنبى كۇنى كەشكە روجدەستۆولىق جارمەڭكەگە جۇك كولىگىنىڭ سوعىسۋى ادەيى جاسالىنعان دەپ توقتامعا كەلدى. بۇل تۋرالى بەرلين پوليسياسىنىڭ رەسمي تۆيتتەر پاراقشاسىندا جاريالاندى.

جۇك كولىگىنىڭ جۇرگىزۋشىسى پولشا ازاماتى بولعانىن پوليسيا راستادى.  دۇيسەنبى كۇنى، كەشكى ۋاقىتتا پوليسيا جۇك كولىگىنىڭ يەسىن تۇتقىنداعان. كولىكتەگى ەكىنشى ادام ءولى كۇيىندە تابىلدى.

19 جەلتوقساندا بەرليندەگى كايزەر ۆيلگەلمنىڭ مەموريالدى شىركەۋىنىڭ ماڭىندا وتكەن روجدەستۆولىق جارمەڭكەگە بارعان ادامدارعا جۇك كولىگى سوعىسقان.  وقيعا جەرگىلىكتى ۋاقىت بويىنشا كەشكى 8-دە بولعان.

 DPA اگەنتتىگى پوليسياعا سىلتەمە بەرە وتىرىپ، جۇك كولىگىنىڭ جارمەنكەنىڭ شەكاراسىمەن 50-80 مەترگە دەيىن ساعاتىنا 60-80 شاقىرىم جىلدامدىقپەن جۇرگەن.

ءبىر توپ ادامدى قاققان جۇك كولىگى جۇك تاسىمالىمەن اينالىساتىن پولشالىق كومپانيانىڭ مەنشىگى. ونىڭ باسشىسى قايعىلى وقيعاعا بىرنەشە ساعات قالعانعا دەيىن ولار جۇرگىزۋشىمەن بايلانىستى ءۇزىپ العانىن ايتتى.

سوڭعى مالىمەتتەرگە ساي، قايتىس بولعانداردىڭ سانى 12 ادامعا جەتكەن. 50ء-ى اۋرۋحانادا.

بەرليننىڭ ىشكى ىستەر سەناتورى اندرەاس گايزەل بۇعان دەيىن وقيعا شابۋىل بولدى ما الدە كەزدەيسوق جاعداي ەكەنى بەلگىسىز دەگەن بولاتىن.

،