الماتى قالاسىنداعى ناۋرىزباي اۋدانىندا ورنالاسقان №157 مەكتەپتە ءانشى تورەعالي تورەالى اتىنداعى ءماجىلىس زالى اشىلدى. بۇل جونىندە ءانشىنىڭ ديرەكتورى فاريزا سپاندياروۆا ءوزىنىڭ ينستاگرام پاراقشاسىندا قۋانىشپەن حابارلادى.

«بۇگىن بىزدە تاعى ءبىر قۋانىشتى جاڭالىق. ناۋرىزباي اۋدانىنداعى، ءنومىرى 157ء-شى مەكتەپتىڭ ىشىنەن ۇلى دالا بالاسى - تورەعالي تورەالى اتىنداعى “ءماجىلىس زالى“ اشىلدى. ەندi مەكتەپتىڭ بارلىق ءىس-شارالارى وسىندا وتەتىن بولادى» دەپ جازدى فاريزا حانىم.

ونىڭ ايتۋىنشا، مەكتەپ باسشىلىعى تاراپىنان تورەعاليعا ۇسىنىس جاسالعان. ءانشى ونى قۋانا قابىل الىپ،  15 جەلتوقساندا اشىلۋ سالتاناتىنا قاتىستى. ءان ايتىپ، №157 مەكتەپتىڭ وقۋشىلارمەن قاۋىشتى.

ءانشى بۇعان دەيىن دە اتالمىش مەكتەپ وقۋشىلارىمەن 1 قىركۇيەكتە كەزدەسكەن ەدى.

ەندى مەكتەپتەگى ءتۇرلى ءىس-شارالار مەن مەرەكەلىك كونسەرتتەر «ۇلى دالا بالاسى تورەعالي تورەالىنىڭ اتىنداعى ءماجىلىس زالىندا» وتەدى ەكەن. اتالمىش زالدى اشۋ يدەياسىن وقۋشىلار مەكتەپ باسشىلىعىنا ۇسىنعان. ولار بالالاردىڭ ۇسىنىسىن قابىل الىپ، الماتى قالاسىنىڭ اكىمدىگىمەن كەلىسە وتىرىپ «ۇلى دالا بالاسى تورەعالي تورەالى اتىنداعى ءماجىلىس زالىن» اشتى.