جەر داۋى تۋعاندا «جەر كوميسسياسىنا» قاتىسقان، قازاق ءتىلى مەن ۇلتتىق ماسەلەلەرگە ءۇن قاتىپ جۇرگەن مۇحتار تايجان مەن گەرويحان قىستاۋبايەۆتىڭ اراسى تاعى ۋشىقتى.  ونى سوتقا بەرگەن مۇحتار تايجان بىلاي دەپ جازدى:

«جۇرت سۇراپ جاتقاننان كەيىن اشىق مالىمەت بەرىپ وتىرمىن. ءيا، مەن بۇرىن ايتقانداي گەرويحان قىستاۋبايەۆتى ماعان جالا جاپقانى ءۇشىن سوتقا بەردىم ادۆوكات ارقىلى. مەن 8 ديحانداردىڭ 500 توننا (35 ملن تگ) جەپ قويدىم دەپ جازدى، تەك قانا فب-تا ەمەس، ارنايى ماقالا جازدى. بۇنداي ايىپتاۋ مەن ءۇشىن وتە اۋىر. ودان باسقا گەنپروكۋرورعا مەنىڭ ۇستىمە ارىز جازدى، دۆد-دا جارتى جىل ماعان قاتىستى قىلمىس ءىس اشىق تۇردى. بىرنەشە رەت قاپشاعايعا بارىپ تۇسىنىكتەمە بەرىپ ءجۇردىم ءبىر جاپ-جاس تەرگەۋشىنىڭ الدىندا.

قىستاۋبايەۆ جازعان فاكتىلەر جالعان بولعاندىقتان دۆد قىلمىس ءىستى ءبىر ەمەس ەكى رەت جاۋپ ءجۇردى. ءبىراق قىستاۋبايەۆتار قويماي گەنپروكۋرورعا ارىز جازدى. سول ارام تىرلىگى ءۇشىن مەن بيلىك سەكىلدى مەدال بەرە المايمىن، ءبىراق سوتقا بەردىم، ەندى سوتتىڭ الدىندا جالا جاپقانى ءۇشىن جاۋاپ بەرسىن. ايىپپۇل سول باياعى 3 ملن تگ قويدىم، جەڭىپ شىقسام، شەڭگەلدى اۋىلىنىڭ مەكتەبىنە نەمەسە بالاباقشاسىنا پايدالى ءبىر زاتتاردى ساتىپ الامىن.

جانە باتىرعالي امرييەۆتى سوتقا بەردىم قارىزى ءۇشىن - 125 توننا پياز. بۇل قارىزدى باتاش مويىنداپ وتىرسا دا بەرمەي وتىر، جىل سايىن وتىرىك سىلتاۋ ايتىپ ءجۇرىپ. بۇل ديحان قارىزىن بەرمەس ءۇشىن گەرويحانعا جاز بويى كومەكتەسىپ ءجۇردى. بۇل سوتتىڭ ءبىرىنشى ينستانسياسى ماعان ءتيىمدى ەمەس اياقتالدى، سەبەبى مەن ءبىر قاتەلىكتى جاسادىم. ءبىراق مەن ەكىنشى ينستانسياعا بەرەم، قاتەلىگىمدى تۇزەتىپ.

ءار قازاق، ءتىپتى وزىندىك ۇلتشىل رەتىندە سانايتىن، ءوز ىستەرىنە، سوزدەرىنە يە بولىپ جاۋاپكەرشىلىكتەن قاشپاۋ كەرەك.»

ال، گەرويحان قىستاۋبايەۆ بىرنەشە كۇن بۇرىن ءوزىن مۇحتار تايجاننىڭ سوتقا بەرگەنىن جازىپ، ارىزدىڭ سۋرەتتەرىن جاريالاعان ەدى. قىستاۋبايەۆ جازباسىندا «ارىزىڭدى قايتارىپ ال، كورەگەندىلىگىڭ بولسىن» دەگەن مازمۇن بار:

«STOP تايجان!

مۇحتار، الەۋمەتتىك جەلى، گازەت-جۋرنالدار ارقىلى سەن ءوزىڭدى مىقتى ۇىلتشىل ازامات رەتىندە ەلگە پياريت ەتتىڭ. سوندا مىقتى ۇىلتشىل ءوز ۇلتىنىڭ قاراپايىم ديحاندارى - اۋىل ادامدارىن: "ماڭداي تەر، ادال ەڭبەگىمىزدى جەپ كەتتى" دەپ، زار ەڭىرەتىپ قويا ما؟ ارا اعايىن بولىپ، ماملەگە، بيلەر القاسىنا شاقىرعان ءجۋرناليستتى الەۋمەتتىك جەلىدە "جەردەن الىپ، جەرگە سالا ما"؟ مىقتى ۇلتشىل سول ديحانداردىڭ، ءجۋرناليستىڭ ۇستىنەن سوتقا ارىز جازا ما؟ ارىزقوي بولا ما؟
سەن نەگە باتىرعالي امىرييەۆتىڭ، مەنىڭ ۇستىمنەن سوتقا ارىز جازدىڭ؟ مىقتى بولساڭ، جەردى ساتقان، شەت ەلدىكتەرگە جالعا بەرگەن شەنەۋنىكتەردى نەگە سوتقا تارتپادىڭ؟ ولاردان قورقاسىڭ با؟ مىسالى، كەزىندە جاسارال كۋانىشالين مەن سەرىك ساپارعالي پرەزيدەنت - نۇرسۇلتان نازاربايەۆتىڭ ءوزىن سوتقا بەردى! مىنە ەل وسىلاردى مىقتى ۇلتشىلدار، باتىرلار دەپ تانيدى. قۇرمەتتەيدى! ال سەن ءومىر بويى كەتپەن كوتەرىپ جۇرگەن شارۋا-ديحاندار مەن ۇلتىنىڭ مۇڭىن عانا جازىپ جۇرگەن ءجۋرناليستى سوتتاتىپ، مىقتى بولىپ كورىنگىڭ كەلەدى. ۇيالمايسىڭ با؟ سودان كەيىن كىم سەنى قۇرمەتتەمەك؟ وسىعان اقىلىڭ جەتپەي مە؟

مۇحتار، مۇنداي ابىرويسىز تىرلىككە ءتىپتى، ۇرىلار دەپ جۇرگەن بىردە-بىر شەنەۋنىك بارعان جوق! سوندا، ۇلتشىلمىن، قوعام قايراتكەرىمىن دەپ جۇرگەن، سەن قالاي بارىپ وتىرسىڭ؟ ەلگە، جاستارعا قانداي ۇلگى كورسەتىپ كەتپەكسىڭ؟ سەنەن ۇلگى العان ەرتەڭگى "ۇلتشىل" جاستار ءبىر-بىرىن بىتپەيتىن سوتقا سۇيرەپ جۇرمەي مە؟ بۇل "ۇلىق بولساڭ - كىشىك بول" دەگەن ەمەس، ۇلىق بولساڭ، ءالىڭ كەلگەندى جانشى، تاپتا دەگەنىڭ ەمەس پە؟ بۇل سەنىڭ اتا ءداستۇرىمىزدىڭ تامىرىنا بالتا شاپقانىڭ ەمەس پە؟
سوندىقتان، جازعان ارىزدارىڭدى كەرى قايتارىپ ال. ديحانداردان كەشىرىم سۇرا. بولدى. وسى بولادى بار داۋدىڭ شەشىمى مەن سەنىڭ كورگەندىلىگىڭ»، - دەگەن ەدى.