ەرتەڭ، 22 جەلتوقساندا جازۋشىلار وداعىندا جازۋشى بەيبىت سارىبايدىڭ «مەن رومانتيك ەمەسپىن» اتتى كىتابىنىڭ تۇساۋ كەسەرى وتەدى. بۇل تۋرالى جازۋشىنىڭ ءوزى الەۋمەتتىك جەلىدە جازدى. جاڭا جارىق كورگەن كىتاپ اقىن باقىت بەدەلحاننىڭ قولداۋىمەن جانە ەرجان ارزىقۇلوۆتىڭ كومەگىمەن «سىرداريا» باسپاسىنان باسىلىپ شىققان.
جازۋشى بەيبىت سارىباي «جازۋشىلار وداعى» اعا رەفەرەنتى، بالالارعا ارنالعان «دارابوز» حالىقارالىق بايگەسىنىڭ ەكى مارتە جەڭىمپازى. ونىڭ بۇگىنگە دەيىن «اينا» اتتى ولەڭدەر جيناعى، «راۋعاش ەرتە گۇلدەيدى»، «قارا تورعاي»، «مەيىرىم» اتتى كىتاپتارى جارىق كورگەن.
