ۇقك كۇدىكتىلەردى ۇستاعاندا ەشقانداي قارۋ قولدانباعان دەپ حابارلايدى كتك تەلەارناسى. ارنايى قىزمەتتىڭ اۋقىمدى وپەراسياسىنىڭ باستالعانىنا ەكى اپتا ءوتتى. وسى ۋاقىت ارالىعىندا باتىس ايماعىنداعى ۇرلىققا قاتىسى بولۋى مۇمكىن بىرنەشە كاسىپورىندا ءتىنتۋ جۇمىستارى جۇرگىزىلدى. ونداعى قۇجاتتاردى تەكسەرۋگە العان. الايدا، ناقتى قانداي قۇجات ەكەندىگى ازىرشە قۇپيادا ساقتاپ وتىر. 8 فيرمانىڭ ءتىزىمى شىقتى. ولاردىڭ باسشىلارى مەن قىزمەتكەرلەرىن تۇتقىنداعان جوق.

باسقا كومپانيالاردىڭ ديرەكتورلارىن قاماۋعا الدى. ولارمەن قوسا تاسىمالداۋشىلاردى، بۇرىڭعى قۇقىققورعاۋ قىزمەتكەرلەرىن، ءتىپتى سالافيتتەردى دە ۇستاعان. 15 ادام تەرگەۋ يزولياتورىنا جىبەرىلدى.  ءىس ماتەريالدارىنا سايكەس ولار «قارا التىندى» تەك قازاقستاننان عانا ەمەس، شەت ەلدەن دە ۇرلاعان. ولاردىڭ ەسىمدەرى جاريالاندى: ە.ءىزباساروۆ، ا.قالييەۆ، ب. باتىروۆ، ا. سارسەنوۆ، ن. قازكەنوۆ، ا. سارامبەتوۆ، س. دۋسۋپوۆ، ن. قايىربايەۆ، ە. ەركەتايەۆ، ۆ. اقساقوۆ، ا. اميتوۆ، م. تۇرجانوۆ، ج. ءىلياسوۆ، ن. نوعايەۆا ي س. كۇنسيەۆيچ.

مافيا كوشباسشىسى «ءتورت اعايىندى» توبىنىڭ باسشىسى (ءقازىر ول «ايشۋاق-جانتۇگەل» دەپ اتالادى) ەركىن ءىزباساروۆ ەكەنىن ايتادى.