كورويسىن (جاپونيا)

ول ەسىكتى اقىرىن يتەرىپ ەدى جاڭبىر سۋىنا مالشىنعان تەمىر ەسىك ەشقانداي دىبىس شىعارماي اشىلىپ كەتتى . ويىمەن سايكەس كەلگەندەي جاڭبىر سۋى ەسىكتىڭ كىربەكتەرىنە كىرىپ كەتكەندىكتەن ەسىكتەن تيتتەي دە دىبىس شىقپادى . اۋلانىڭ ەسىگىنەن ءۇيدىڭ ەسىگىنە دەيىنگى ارالىق ەكى – ءۇش قادام عانا كەلەتىن . كوشە بۇرىلماسىنداعى كوشە شىراعىنىڭ ءالسىز نۇرىن كورشى ءۇيدىڭ اۋلاسىنداعى اعاش توسىپ العاندىقتان ، بۇل جەرگە جارىق تۇسپەيتىن . ول قاراڭعىدا ەسىكتىڭ قۇلپىسىمەن كوپ ءالىسىتى . بۇل ءسات باسقالاردىڭ ۇيىنە ۇرلىققا تۇسەر كەزدەگى سىن ساعات ەدى . كىم بىلەدى ، اينالادا بىرەۋ-مىرەۋ وعان قاراپ تۇرما ؟ وسىنى ويلاپ ونىڭ ونە بويىن قارا تەر باستى . 
 ءدال ءقازىر وعان مىنا قۇلپىنى اشۋ قيامەت قايىمنىڭ جۇمىسى سىپەتتەس بولدى . ادەتتەگى قۇلپىلاردى اسپاپپەن ارلى-بەرلى بىرنەشە بۇراسا وڭاي – وسپاق اشىلىپ كەتۋشى ەدى ، ءبىراق ول مىنا قۇلپىمەن قانشا الىسسادا ەش ءونىمى بولمادى . كەنەت ونىڭ جۇرەگى تاس توبەسىنە شىعارداي بولدى . بۇل قۇلپى قۇددى ونىڭ الدىندا سوعىس دايارلىعىن كورىپ جاتقان گەنارالداي كەسكىن بەينەدە تۇرىپ الدى . 
 ول بۇل ەسىكپەن كوپ ۋاقىت الپارىسقان سوڭ كەنەتتەن ۇنىن شىعارماي كۇلىپ جىبەردى ، " نەتكەن ميسىز ەدىم ، بالالعىىم ءالى باسىم ەكەن . . . "

اسىلىندە بۇل ەسىك قۇلپىسىز ەدى . يەلەگەن احۋالعا قاراعاندا ، بۇل ءسات ءۇي يەسىنىڭ قايتىپ كەلەتىن ۋاقىتى ەمەس . ءبىراق ، كەسىپ ايتۋعادا بولمايدى . ول اياعىنىڭ ۇشىمەن قيمىلداپ ەپپەن ۇيگە كىردى ، كەنەتتەن قاتتى بىردەمەگە شالىنىپ جىعىلىپ تۇسۋگە شاق قالدى . سوندا دا ول ءۇن شىعارمادى ، قاراڭعى ءۇي ىشىنەن ەشقانداي دىبىس بىلىنەر ەمەس . 
 وسى ساتتە ول قول شىراعىن جاقتى ، باعانا ول ءبىر پار قارا تۋفليعا شالىنعان ەدى ، قارا تۋفليدىڭ ءبىر سىڭارى ەسىككە قاراما – قارسى تۇر . سەمەنت ەدەننىڭ ۇستىندە ءبىر جۇپ قارا تۋفلي عانا ەمەس باسقادا ەر ايەل اياق كيىمنەن بىرنەشەۋى بەتالدى شاشىلىپ جاتقان ەدى . ول قاشۋعا قولايلى بولۋ ۇشىن بۇل اياق كيىمدەردى ءبىر جاققا قاراي وڭاشالاپ قويايىن دەپ ويلادى . وسى ويدىڭ جەتەگىندە ول سەمەنت ەدەنگە اياق كيىمدەردى جۇپ-جۇبىمەن رەتتەپ تىزىپ قويدى . اياق كيىمدەردىڭ بارلىعى ۇلكەندەردىڭ اياق كيمى بولىپ ، ءدال ون ءۇش جۇپ اياق كيىم ەدى . 
 تاقتاي توسەلگە كاريدوردا ساندالدار جيستىرۋسىز تۇرعاندىقتان ، كاريدور اياق الىپ جۇرگىسىز ەدى . ول بۇل ساندالدارعا تايىپ جىعىلىماۋى ۇشىن اسعىس قيمىلداپ ساندالداردى اياق ىشكاپقا سالدى . 
 جاتىن ءۇي دە اۋىزى مۇرىنىنان شىعىپ جاتقان ەدى . توسەك ۇستىندەگى گازەتتەر ، وشاق ۇستىندەگى جۋىلماعان ىدىس اياقتار ، كۇلدىكتەگى تەمەكى قالدىقتارى ، كىر قوجالاق بايپاقتار ، كىرلەپ كەتكەن جاستىق قاپ ، تىستەلگە الما ، كەرەكتەن شىققان كيىم ىلگىشتەر ءبارى-بارى بۇل ۇيدىڭ سانىن كەتىرىپ تۇرعان سىپەتتى . 
 جۇمىسقا كىرىسۋدىڭ الدىندا ءبىر رەت رەتتەپ تاستاسام بولاتىنداي دەپ ويلادى ول . وسنى ويلاپ ول ءۇي ىشىن تەز قارقىنمەن جيناستىرۋعا كىرىستى . جۋىلماعان ىدىس – اياقتاردى جۋىپ-شايىپ اس ۇيگە كىرگىزدى ، سۋ ناۋاسىن كورگەن ادامنىڭ قۇسقىسى كەلەتىندەي ، ال ەدەندى دە تازالاماسا بولمايتىنداي ەدى . ول كىرجۋۋ ماشيناسىن اشىپ كىرقوجالاق جاستىق قابىن ، بايپاق ، كىر جەيدەلەردىڭ بارلعىن سالدى . سوسىن ۋانناداعى اقپاي قالعان سۋدى اعىزىپ ، ۋاننانى تازالاپ سۇرتىپ شىقتى . 
 بۇل ءۇيدى تازالاپ بولعانشا كوپ ۋاقىت كەتكەن ەدى ، قاتتى شارشاعاندىقتان ونىڭ ۇرلىق ىستەيتىندەي شاماسى قالماعان ەدى . سوسىن ول تاپ-تازا سۇرتىلگەن ۇستەلدە وتىرىپ ، كوكىرەگىن اشۋ كەرنەگەن بويدا ءۇي يەسىنە بىلاي دەپ ءبىر پارشا حات جازدى :

"ءۇيىڭدى جاقسىلاپ تازالاپ قوي، سۇمەلەك . ۇيىڭنىڭ رەتسىزدىگى مەنىڭ ءۇرلىق ىستەۋ نيەتىمنەن قايتاردى . 
دەپ: ۇرى "

ەرتەسى ول كەشەگى ءۇيدىڭ الدىنان قۇددى ەشتەمە سەزبەگەندەي قاپەرسىز وتىپ بارا جاتقاندا ول ۇيدىڭ الدىنداعى حات ساندىققا جاپسىرىلعان ءبىر پارشا قاعازدى كوزى شالىپ قالدى . ول قاعازعا بىلاي دەپ جازىلعان ەدى :

"ءۇيىمدى تازالاپ قويعانىڭا راحىمەت ، ۇنەمى كەلىپ تۇرۋىڭدى قارسى الامىن . 
 قۇرمەتپەن : ايەلى ۇرلانعان ەركەك"

اۋدارعان : دۇيسەنالى شامەك