تۋ-154 ۇشاعى 25 جەلتوقساندا تاڭ ەرتەڭ سوچي جانىنداعى اۋەجايدا اۋەگە كوتەرىلگەننەن كەيىن راداردان جوق بولىپ كەتكەن دەپ حابارلايدى kp.ru. ودان كەيىن قۇلاپ ءتۇستى. 

«ۇشاقتىڭ ىشىندە مەنىڭ دوستارىم، ارىپتەستەرىم بولدى. ولار كونسەرت بەرىپ، قايتىپ كەلۋى كەرەك ەدى. مەن ازىرشە ەشتەڭە ايتا المايمىن. ءوزىم وتباسىلىق جاعدايلارىما بايلانىستى بارماعان ەدىم. جاقىندا مەنىڭ بالام دۇنيەگە كەلدى. وتباسىنداعى ءۇشىنشى بالا. سوندىقتان ايەلىمە كومەكتەسۋ ءۇشىن ۇيدە قالعانمىن».

اكادەميالىق ءانسامبلدىڭ قۇرامىندا 186 ءارتىس بار. ولار ەرلەر حورى، وركەستر جانە بيشىلەر توبى. انسامبل حورى بىرنەشە رەت الەمدەگى ەڭ ۇزدىك حور رەتىندە تانىلعان. ءقازىر رەسەيدەگى ەڭ ۇلكەن اسكەري  كوركەمدىك توپ بولىپ تابىلادى. ءانسامبلدى ماسكەۋ كونسەرۆاتورياسىنىڭ پروفەسسورى، كسرو حالىق ءارتىسى، كومپوزيتور الەكساندر الەكساندروۆ قۇرعان. توپ ەڭ العاش رەت 1928 جىلى ساحناعا شىقتى. ۇلى وتان سوعىسى كەزىندە انسامبل 1500 رەت فرونتتا ونەر كورسەتتى. بەيبىتشىلىك كەزىندە ولار اۋعانستان، يۋگوسلاۆيا، تاجىكستان، شەشەنستان رەسپۋبليكاسىندا كونسەرت جاساعان. بىرنەشە مارتە رەسەيدە جانە شەت ەلدە ءتۇرلى ماراپاتتارعا يە بولدى.