بۇگىن تاڭ ەرتەڭ اتىراۋ وبلىسىنىڭ قىلمىستىق ىستەر بويىنشا مامانداندىرىلعان اۋدان ارالىق سوتتا، بىرنەشە اۋىر قىلمىس ىستەگەن بۇرىڭعى پوليسيا قىزمەتكەرى ماناربەك وتەۋوۆ تەرگەۋ يزولياتورىندا وعان قىسىم كورسەتىلىپ جاتقانىن ايتتى دەپ حابارلايدى  atpress.kz.

اتىراۋدا بۇرىڭعى پوليسيا قىزمەتكەرلەرىنە قاتىستى سوت پروسەسى جالعاسىپ جاتىر. بۇرىڭعى 8 ءتارتىپ ساقشىلارىنىڭ  ايىپتالۋشىلار قاتارىندا تۇرۋىنا ولاردىڭ بۇرىڭعى ارىپتەسى ماناربەك وتەۋوۆتىڭ (فوتوداعى) حاتى سەبەپ بولدى. ول  22 جىلعا باس بوستاندىعىنان ايرىلعان. ماناربەك وتەۋوۆ اۋىر قىلمىستار جاساعان. ونىڭ ىشىندە ادام ءولىمى دە بار.  ول بۇرىڭعى پوليسيا قىزمەتكەرلەرىنە قاتىستى سوت پروسەسىندە كۋاگەر رەتىندە ءوتىپ جاتىر.

بۇگىن سوت پروسەسى باستالعاندا، زاڭگەرلەر مەن ب ا ق كوزىنشە سوت زالىندا ول مالىمدەمە جاسادى. ونىڭ سوزىنشە، تەرگەۋ يزولياتورىندا وعان ەشقانداي جاعداي جاسالىنبايدى. جىلۋ جوق، تەرەزەلەر اشىق تۇر، ول توڭاتىنىن ايتادى. ال پوليسيا قىزمەتكەرلەرى وعان مورالدىق قىسىم كورسەتىنىن جەتكىزدى. وتكەن جىلى ول قارسىلىق رەتىندە قاسىق جۇتقان. اتىراۋ وبلىستىق اۋرۋحاناعا جەتكىزىلىپ، وعان وپەراسيا جاسالدى. اۋرۋحانادان قايتىپ كەلگەننەن كەيىن دەنە مۇشەسىنە زاقىم كەلتىرىلەتىن كارسەرگە توعىتىلعان.

م.وتەۋوۆ باستاپقى كەزدە بۇرىڭعى ارىپتەستەرىنە قاتىستى بەرگەن جاۋاپتارىنان باس تارتاتىنىن جەتكىزدى. ەندى ول ولاردىڭ كىناسىز ەكەنىن ايتادى.

 «بارلىق قىلمىستى ءوزىم جاسادىم. ولاردىڭ ەشقانداي كىناسى جوق!» دەيدى ول.

الايدا ول مۇنى جاقىندارىنىڭ ءومىرى مەن دەنساۋلىعىنا الاڭداعاننان كەيىن ايتىپ وتىرعانىن اتاپ ءوتتى. سونىمەن قاتار ول «بارلىعى تەزىرەك ءبىتىپ، ونى جاقىن ۋاقىتتا لاگەرگە جىبەرۋىن سۇرادى».

بۇگىنگى كۇننىڭ ەكىنشى جارتىسىندا سوت پروسەسىنىڭ ءجارىسسوزى وتەدى دەپ جوسپارلانعان. زاڭگەرلەر ۇكىم جىلدىڭ اياعىندا، ياعني وسى اپتادا شىعادى دەپ كۇتكەن. الايدا ماناربەك ۋتەۋوۆ ءوزىنىڭ مالىمدەمەسى ارقىلى وزگەرتۋلەر ەنگىزدى.

اۆتور: راحيم كويلىبايەۆ