جوعارعى ۇكىمەتتە ورىس ءتىلىنىڭ ۋكرايناداعى بەدەلى مەن ونى قورعاۋ جونىندەگى ەكونوميكالىق جوبا پايدا بولدى دەپ حابارلايدى dni.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

مۇنداي ۋكراينا كۇتپەگەن جاڭالاقتى «وپپوزيسيالىق بلوك» فراكسياسىنىڭ دەپۋتاتى ەۆگەنيي باليسكيي ەنگىزگەن.   «ۋكرايناداعى باسقا تىلدەر مەن ورىس ءتىلىنىڭ بەدەلى، مەملەكەت تاراپىنان قولداۋ تاۋىپ دامىتۋ جونىندەگى قۇجات» دەپ اتالادى. دەپۋتاتتار، شامامەن، 2017 جىلدىڭ 17 قاڭتارىنان باستاپ قانا بۇل زاڭعا تولىعىمەن كىرىسە الادى، سەبەبى وتكەن جەتىدە بارلىعى قىسقى دەمالىسقا كەتكەن ەكەن.

ورىس ءتىلى – ۋكرايناداعى  ەكىنشى ەڭ كوپ تارالعان ءتىل، ءاربىر ءۇشىنشى ۋكرايندىق ونى انا ءتىلى رەتىندە قابىلدايدى، ۋكراينا حالقىنىڭ جارتىسىنان كوبى ورىس تىلىندە تازا سويلەيدى.

ورىس ءتىلى – مەملەكەتتىك ءتىل مارتەبەسىنە يە بولماعانىمەن، بۇل ماسەلە توڭىرەگىندە سوڭعى جىلدارى كوپ داۋ تۋىنداي باستاعان.

2014 جىلى ۋكراينا بيلىگى اۋىسقاننان سوڭ، ەلدەن ورىس ءتىلىن تولىعىمەن جويۋ ماقساتى كوزدەلگەن. ۋكراينا پرەزيدەنتى پەتر پروشەنكو ورىس ءتىلىن مەملەكەتتىك ءتىل مارتەبەسى، سونىمەن قاتار، قوعامداعى بەدەلىنەن ايىرۋ ماقساتىندا بار كۇشىن جۇمىلدىرۋدا. سوڭعى ەكى جىلدا ورىس تىلىندە جازىلعان ماڭدايشالار، جارنامالار، ۆوكزال، مەترو، اەروپورتتاعى حابارلاندىرۋلار – بارلىعى الىنىپ، ۋكراين تىلىنە اۋىسقان، مەكتەپ وقۋلىقتارى جاڭادان جازىلىپ، كينولاردىڭ بارلىعى مەملەكەتتىك تىلدە دىبىستالاتىن بولعان.

ۋكراينا ەلىنىڭ جاڭا بيلىگى رەسەيلىك ارتىستەردىڭ دە گاسترولدىك ساپارمەن كەلۋىنە تىيىم سالىپ، قارا تىزىمگە جاتاتىن انشىلەردىڭ ءتىزىمىن جاساعان. ول تىزىمگە، ءتىپتى، ۋكراينا ەلىندە تۋىپ-وسكەن ناتاشا كوروليەۆا اتتى ءانشى دە ەنىپ كەتكەن.

ورىس ءتىلىن مەملەكەت تاراپىنان قولداپ، قورعاۋ بۇگىنگى تاڭدا پارلامەنتتىڭ مىندەتىنەن شىعىپ وتىر. وسىعان بايلانىستى ەۆگەنيي باليسكيي ۇسىنعان ورىس ءتىلىن قورعاۋ جونىندەگى جوباسى جوعارعى ۇكىمەتتە قارالىپ، قولداۋ تاپپاۋى ابدەن مۇمكىن.

اۋدارعان: نازەركە لابيحان