بەلارۋسيا پرەزيدەنتى لۋكاشەنكو رەسەيدەگى وزدەرىن دجيحاديستەر دەپ سانايتىن ادامدارعا اشۋلى تۇردە ءوز ويىن جەتكىزدى.
«مۇسىلماندار سەندەردى ەشقاشان كەشىرمەيدى. نەگە سيرياعا تيىسە بەرەسىڭدەر، ول ءۇشىن ءالى جاۋاپ بەرەتىندەرىڭدى بىلەسىڭدەر مە؟» - دەپ اشۋلى كۇيدە سويلەدى.
– ءسىزدىڭ باشار اسادتىڭ ۇلىمەن قارىم قاتىناسىڭىز قانداي؟، - دەگەن رەسەيلىك ءتىلشىنىڭ سۇراعىنا لۋكاشەنكو بىلايشا جاۋاپ بەردى:
– وتە جاقسى، ول ءوزى جاقسى ادام. ءسىز ونىمەن ءبىر رەت كەزدەسىپ كورسەڭىز، سىزگە دە ۇناپ قالادى.
– ال ونىڭ سيرياداعى ىستەپ جاتقان تىرلىكتەرى جايلى نە ايتاسىز؟
– ونى ىستەپ جاتقان ول ەمەس، ونى ىستەپ جاتقان، رەسەيلىكتەر، سەندەرسىڭدەر. نەگە سەندەر ولاردىڭ ىسىنە ارالاسىپ، سيرياعا نەگە تيىسە بەرەسىڭدەر؟ سەندەر قارۋلاناسىڭدار دا، اقشانى ءبولىپ، سول جاققا قارۋلانعان اسكەرلەرىڭدى جىبەرەسىڭدەر. ەشبىر ادام، وزىمەن ءوزى كەلىپ ءبىر مەملەكەتتى توڭكەرە المايدى، اسىرەسە، اقشاسى جوق ادامنىڭ قولىنان مۇنداي ارەكەت كەلمەيدى.
– سيرياداعى وقيعالاردان سوڭ مەملەكەتتىڭ جاعدايى قالاي بولادى؟
– سيريا ءۇشىن بۇل ۇلكەن قايعى، كەلەشەگى ەمەس، قازىرگى تاڭدا ولاردىڭ جاعدايى وتە قايعىلى، ولار ءۇشىن بۇل ۇلكەن اپات. سەندەر ءبىر مەملەكەتتىڭ كوزىن جويىپ جاتىرسىڭدار. مۇسىلمانداردىڭ وزىندىك زاڭى بار. ولاردىڭ زاڭىندا قاندى كەك دەيتىن ءۇردىس بار، قانشاما كوز جۇمعان مىڭداعان ادامداردىڭ ءولىمى ءۇشىن ولار كەك الماي قويمايدى. سەندەر ءالى جاساعان تىرلىكتەرىڭ ءۇشىن جاۋاپ بەرەسىڭدەر، - دەپ تۇيىندەدى لۋكاشەنكو.
