سەناتورلار الدىندا جەمقورلىققا قارسى اگەنتتىك ءتوراعاسىنىڭ ورىنباسارى اليك شپەكبايەۆ «شەنەۋنىكتەردىڭ جالاقىسىن ەكى ەسەگە ءوسىرۋ ارقىلى جەمقورلىقتى جويۋ» تۋرالى توسىن ۇسىنىس ايتتى. ونىڭ سوزىنشە جەمقور مەملەكەتتىك قىزمەتكەرلەر سوڭعى 2 جىلدا مەملەكەتكە 48،5 ميلليارد تەڭگەگە شىعىن كەلتىرگەن.

«گرۋزيادا شەنەۋنىكتەردىڭ سانىن 3 ەسە ازايتا وتىرىپ، جالاقىسىن 3 ەسە كوبەيتكەن. ءبىز ەرعوجين مىرزامەن وسىنى ماسەلەنى تالقىلاعان بولاتىنبىز. قازاقستاندا مەملەكەتتىك قىزمەتكەرلەردىڭ سانىن 35 پايىزعا ازايتسا، اكىمشىلىك شىعىنداردى ەسەپتەي وتىرىپ، ەڭبەك اقىسىن 2 ەسەگە كوبەيتۋگە بولادى. بۇدان باسقا جاعداي جاساۋ مەن مەملەكەتتىك قىزمەتكە بەكي ءتۇسۋدىڭ باسقا مۇمكىندىگى جوق. ارينە، بۇل ءۇشىن تىڭعىلىقتى جۇمىس جۇرگىزۋ كەرەك. مۇنى ءبىز جوبا رەتىندە ۇسىنىپ كورمەكپىز. بۇل ارقىلى بارلىعى وتكەن»، - دەدى ق ر مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى اليك شپەكبايەۆ.

بۇعان بايلانىستى قوعامدا نارازىلىق تۋىپ ۇلگەردى، «قامشى» پورتالى پوشتاسىنا قازاقستان جۋرناليستەر وداعىنىڭ ارداگەرى جۇمات انەس ۇلىنىڭ حاتى ءتۇستى، حاتتا ول ۇكىمەتكە ءوز نارازىلىعىن جاريالادى:

ق ر ۇكىمەتىنىڭ پرەمەرى ساعىنتايەۆ مىرزاعا،
ق ر ماجىلىسىنە
(قارسىلىق -پروتەست)

چينوۆنيكتەردىڭ جالاقسىن ەكى ەسە وسىرۋگە قارسىمىن! 

ءبىر عانا "سامۇرىقتا" (ي دoچەرنيە) 600مىڭ چينوۆنيك بار دەسەدى. ءبارىن قوسساڭىز مينيمالنىي زەينەتاقى الاتىن ەڭبەك ارداگەرلەرىنىڭ سانىنان اسىپ كەتەدى ەكەن. سوندا 
جاڭا جىلدان كەيىن مينيمالنىي زەينەتاقى الاتىندار 40مىڭ تەڭگەمەن كۇن كورىپ، چينوۆنيكتەردىڭ جالاقىسى ميلليوننان اسىپ تۇرسا، بۇل قاي مورالعا سىيادى!
حالىقتىڭ تولەيتىن سالىقتان چينوۆنيكتىڭ جالاقسىن كوتەرىپ، حالىقتىڭ ءوزىن "مۋسورعا" يتەرۋگە بولا ما! ميلليوننان اساتىن مينيمالنىي زەينەتاقى الاتىنداردى، قايىر سۇراۋعا يتەرمەلەمەي، ولاردىڭ الەۋمەتتىك جاعدايىن جاقسارتۋعا سىزدەر مىندەتتىسىزدەر. مينيمالنىي زەينەتاقى الاتىنداردى 70-مىڭ الاتىن زەينەتكەرلەردىڭ زەينەتاقىسىنا تەڭەستىرۋدى تالاپ ەتەمىن.
چينوۆنيكتەردىڭ جالاقىسىن ەكى ەسە وسىرۋگە قارسىلىق بىلدىرەمىن!
سولارعا جۇمسالاتىن قارجىدان مينيمالنىي زەينەتاقى الاتىنداردىڭ جاعدايى جاقسارتىلسىن!
چينوۆنيكتەردىڭ ەڭبەاقىسىن كوتەرۋگە جۇمسالاتىن قارجى مەن مينيمالنىي زەينەتاقىنى كوتەرۋگە قاجەت قارجىنى ەسەپتەڭىز! حالىقتىڭ الەۋمەتتىك جاعدايىن ينفلياسيانىڭ جاعدايىنا سايكەس كوتەرىپ وتىرۋ مەملەكەتتىڭ مىندەتى. بۇل جاعداي اتا زاڭىمىزدا قاراستىرىلعان.