ەسىل وزەنىندە ورناتىلعان ساعات گيننەستىڭ رەكوردتار كىتابىنا ەنگىزىلۋى مۇمكىن دەپ حابارلايدى kaztrk.kz
استانادا جاڭا جىل قارساڭىندا ەسىل وزەنىندە ۇلكەن ساعات ورناتىلدى. سيفەربلاتىنىڭ ديامەترى - 17 مەتر، جارىق ديودتار تۇندە ادەمى كومپوزيسيانى قۇرايدى. كونسترۋكسيانىڭ ەرەكشەلىگى - وزەندە ورنالاسۋىندا.
ساعاتتىڭ اينالاسىنداعى اۋماق قىستا دەمالۋعا لايىقتى ورىن. مۇندا ەلوردا تۇرعىندارى مەن قوناقتارى ءۇشىن سىرعاناقتار مەن اۋدانى 8000 شارشى مەترلىك ۇلكەن مۇز ايدىنى جاسالدى. ساعات ناقتى مەحانيزممەن جابدىقتالعان.
ايتا كەتەيىك، ەسىل وزەنىندە ورناتىلعان جاڭاجىلدىق ساعات الەمدەگى وسىنداي ەڭ ۇلكەن ساعات بولىپ تابىلۋى مۇمكىن. مانحەتتەننىڭ جانىندا (نيۋ-دجەرسي شتاتى، اقش) گۋدزون وزەنىندە ورناتىلعان بارشاعا تانىمال Colgate ساعاتىنىڭ ديامەترى - 15،24 مەتر.
