قاراعاندىدا قىزمەتتىك بابىن اتقارۋ كەزىندە مەرت بولعان پوليسەي رۇستەم ايتماعانبەتوۆتى اقتىق ساپارعا شىعارىپ سالىپ جاتىر، - دەپ حابارلايدى Tengrinews.kz ءتىلشىسى.

رۇستەممەن قوشتاسۋ ءۇشىن مەشىتكە 500-دەن اسا ادام جينالدى. جينالعاندار اراسىندا تۋىسقاندارى، جاقىندارى، ارىپتەستەرى مەن دوستارى. قايتىس بولعان پوليسەي قاراعاندىدا تۋىپ وسكەن، ءبىراق استانادا قىزمەت اتقارىپ، تۇرىپ جاتقان بولاتىن. وتباسىن قۇرۋدى جوسپارلاپ جۇرگەن. تۋعاندارىنىڭ ايتۋىنشا، جىگىتتىڭ سۇيگەن قىزى بولعان. 

رۇستەم ايتماعانبەتوۆتىڭ 20 جاستاعى ءىنىسى بار.  

ەسكە سالايىق، 26 جەلتوقسان كۇنى پوليسيا سەرجانتى ايتماعانبەتوۆ "ەكاتەرينبۋرگ - الماتى" تاسجولىندا جول قوزعالىسى قاۋىپسىزدىگىن باقىلاۋ بويىنشا قىزمەتىن ورىنداپ تۇرعان. ارشالى اۋدانىنداعى جىبەك جولى اۋىلى ماڭىندا جىلدامدىقتى اسىرىپ، جول قوزعالىسى ەرەجەسىن بۇزعان جۇرگىزۋشىنىڭ سوڭىنا ءتۇسىپ، جول ورتاسىنداعى سۇيەۋگە سوعىلىپ قالعان.

ءىىب مەن ۇۇ ارداگەرلەرىنىڭ كەڭەسى جانە اقمولا وبلىسىنىڭ ىشكى ىستەر دەپارتامەنتىنىڭ جەكە قۇرامى پوليسيا سەرجانتىنىڭ قايعىلى قازاسىنا بايلانىستى وتستاۆكاداعى پوليسيا ستارشيناسى سەرىك ايتماعانبەتوۆكە جانە تۋسىتارى مەن جاقىندارىن كوڭىل ءبىلدىردى.

پوليسياعا ايتماعامبەتوۆ رۇستەم ۇزاق جىلدار ىشكى ىستەر ورگاندارىندا قىزمەت ەتكەن اكەسى اكەسىنىڭ ىزىمەن كەلگەن. ايتماعامبەتوۆ سەرىك قىزمەتىن 1991 جىلى جول-پاترۋلدىك پوليسياسىنىڭ شەنىندە باستاپ، 25 جىل بويى قىزمەت ەتكەن.