اقش رەسەيگە «سايلاۋعا ارالاسقانى ءۇشىن»  جاڭا سانكسيا سالۋى مۇمكىن دەپ حابارلايدى rbc.ru. ول سايلاۋعا قاتىسى بار دەگەن جەكەلەنگەن ادامدارعا سالىنادى دەپ بولجانۋدا.

بۇرىڭعى سالىنعان سانكسيا اياسىن كەڭەيتىپ ونى ديپلوماتيالىق دەڭگەيدە ەنگىزۋ كوزدەلۋدە.

«جاڭا سانكسيالار اياسىندا ناقتى ادامداردىڭ اتى اتالادى جانە جاڭا سانكسيا بۇگىن ياعني 29 جەلتوقساندا سالىناتىن بولدى» دەپ حابارلايدى CNN.

بۇدان بۇرىن امەريكاندىق سەناتور ليندسي گرەم 28 جەلتوقساندا ريگادا سويلەگەن سوزىندە «كونگرەسس رەسەيدىڭ سايلاۋعا قاتىسى بار جوعىن تەكسەرەدى. جاڭا سانكسيالار رەسەيگە اۋىر تيەدى. اسىرەسە ۆلاديمير پۋتينگە» دەپ ايتقان بولاتىن.

باراك وبامانىڭ قاڭتار ايىندا جاسايتىن بايانداماسىندا  رەسەيگە سانكسيا سالۋ تۋرالى ايتىلمايدى. وندا «قىتايدىڭ 2008 جانە 2012 جىلدارداعى قۇپيا تەكسەرىلگەن كيبەر شابۋىلدارى» سونىمەن قاتار، 2016 جىلعى پرەزيدەنتتىك سايلاۋعا رەسەيلىك ارنايى قىزمەتتىڭ ارالاسۋى تۋرالى ايتىلادى.  

جاڭا شارالار اقش بيلىگىمەن تالقىلانىپ،  ەكى اي وتكەننەن كەيىن ەنگىزىلەدى. اق ءۇي حيللاري كلينتوننىڭ مۇددەسىن جاقتاعانداي بولماۋى ءۇشىن شارالاردى بۇعان دەيىن ەنگىزبەگەن بولاتىن.

وبامانىڭ اكىمشىلىگى جاڭا شەكتەۋ شارالارىن وڭدەۋ جۇمىستارىن اياقتاپ قالعانىن ايتقان.

اقش بىرنەشە مارتە رەسەيدى پرەزيدەنتتىك سايلاۋعا قاتىسى بار دەپ ايىپتادى. باراك وباما ءوزىنىڭ جىل سايىن بەرەتىن پرەسس-كونفەرەنسياسىندا دەموكراتيالىق پارتيانىڭ سەرۆەرى بۇزىلعاننان كەيىن، ۆلاديمير ءپۋتيندى امەريكانلىق سايلاۋعا ارالاسپاۋىن  سۇراعان. ونىڭ سوزىنشە بۇدان كەيىن «رەسەيدىڭ ارى قارايعى سايلاۋعا ارالاسۋى تۋراسىندا ەشقانداي دالەل بولماعان». اقش پرەزيدەنتى 8 قاراشاداعى سايلاۋعا  رەسەيدىڭ ارالاسپاعانىن اتاپ ءوتتى. الايدا سايلاۋ الدى كومپانياسىنا قىسىم كورسەتتى. ماسكەۋ اقش-تىڭ 2016 جىلعى پرەزيدەنتتىك   سايلاۋىنا ەشقانداي قاتىسى جوق ەكەنىن ايتادى.