نيۋ-فورەست قالاسىندا تۇراتىن سايمون دەيكين اقىلدى ءۇيدىڭ جاڭا ءتۇرىن ويلاپ تاپتى. ەندى سايماننىڭ ۇيىنە بىرەۋ كىرگەن بولسا، سول ساتتە ءۇي قوجايىنىنا حابار بەرەدى.

«بىزدە سەنسورلى كۇزەت جۇيەسى بار. ول ادامنىڭ بەت الپەتىنەن ونىڭ كىم ەكەنىن انىقتاي الادى» دەيدى سايمون. اتالمىش تەحنولوگيا بويىنشا ۇيگە بۇرىن كەلگەن ادام بولسا، ءۇي ونى بىردەن تانىپ، سايمانعا حابار بەرەدى. تانىمايتىن بولسا دا ول تۋرالى قوجايىنى ءبىلىپ وتىرادى.

سونىمەن قاتار نيۋ-فورەست تۇرعىنى، دارەتحانادا سۋدى ەكى رەت اعىزعان جاعدايدا اۋا سيركۋلياسياسى جاقسى جۇرگىزەتىن جۇيە ويلاپ تاپقان. ءۇي وتباسى مۇشەلەرىنىڭ بارلىق قالاۋلارىن ەسكەرىپ وتىرادى. ماسەلەن، سايماننىڭ ەنەسى كەلگەندە ءۇي بۇرىڭعىسىنان قاتتى ىسيدى. سەبەبى ونىڭ ءجيى توڭاتىنىن بىلەدى. مۇنىڭ بارلىعى ءۇي يەسىنىڭ ارالاسۋىمەن بولادى. الايدا كەلەشەكتە تەحنولوگيا وزدىگىنەن جۇمىس ىستەيتىن دارەجەگە جەتەدى دەپ سەنەدى.  سايمان دەيكيننىڭ ەندىگى ماقساتى دا سول.

بۇدان بولەك سايمان قازىرگى اقىلدى ۇيلەردە قولداناتىن سۋ، جارىق، جىلۋ جۇيەسىن ۇنەمدەيتىن قۇرىلعىلاردى "Raspberry Pi" كومپيۋتەرى ارقىلى جاساپ شىعارعان. ونىڭ بارلىعىن جاساۋ ءۇشىن كوپ قارجى جۇمساعان. الايدا كوممۋنالدىق قىزمەتكە كەتەتىن شىعىننىڭ قىسقارۋىنا بايلانىستى، شىعىن ءوزىن اقتادى دەيدى.

سايمان دەيكين بۇعان دەيىن دە ءتۇرلى تاجىربيەلەر جاساعان. ماسەلەن، ۆانناعا ارنالعان  ويىنشىقتار مۋزىكانىڭ داۋسىن رەتتەپ، اۋەن قاتارىن وزگەرتىپ وتىراتىن ماگنيتتى تەتىك رەتىندە قولدانىلاتىنداي ەتىپ جاساپ شىعارعان.  

دەرەك كوز: bbc.com