قاراعاندى وبلىسى شاحان كەنتىندەگى توتەنشە جاعدايدىڭ سەبەبى ايتىلدى. ال قۇتقارۋشىلار قيراندى استىنان ءتىرى قالعان ەر ادامدى شىعارىپ الدى.

 ءۇيدىڭ جىلۋ قازاندىعىنىڭ جارىلۋى تۇرعىن ءۇيدىڭ قۇلاۋىنا سەبەپ بولدى.  بۇل تۋرالى قاراعاندى وبلىسىنىڭ اكىمى نۇرمۇحامبەت ابدىبەكوۆ حابارلادى. 

 «تۇرعىن ءۇي قازاندىقتىڭ جارىلۋىنان قۇلاعان. شاحانداعى ءبىرقاتار تۇرعىن ۇيلەرگە جىلۋ اۆتونومدىق جۇيە ارقىلى بەرىلەدى. بۇل قازاندىق ءۇي كوميتەتىنىڭ ەسەبىندە بولدى»، - دەيدى نۇرمۇحامبەت ابدىبەكوۆ جۋرناليستەرگە بەرگەن سۇحباتىندا.

قۇلاعان ۇيگە قاتىستى قىلمىستىق ءىس قوزعالدى. مۇنى  قاراعاندى وبلىستىق ءىىد باسپا ءسوز قىزمەتى حابارلادى. ق ر قىلمىستىق كودەكسىنە سايكەس 292 بابتىڭ 3 تارماعى بويىنشا (ادام ولىمىنە اكەپ سوقتىرعان ءورت قاۋىپسىزدىگى تالاپتارىن بۇزۋ) سوتقا دەيىنگى تەكسەرۋ جۇمىستارى جۇرگىزىلەدى.

قاراعاندى وبلىسى شاحان كەنتىندە         وپىرىلىپ تۇسكەن كوپ قاباتتى ۇيدە 118 ادام تۇرادى. ال ءۇي قۇلاعان ۋاقىتتا وندا 30-عا جۋىق ادام بولعان. باسپاناسىز قالعاندارعا ۋاقىتشا بالاباقشادا تۇرۋعا رۇقسات ەتىلدى.

1 قاڭتار ساعات­ 22.40-تا قاراعاندى وبلىسى شاحتينسك قالاس­ىنىڭ شاحان اۋىلىندا ك­ءوپ قاباتتى ءۇيدىڭ ءبىر ­بولىگى وپىرىلىپ تۇسكەن بولاتىن.