ۋكرايندىق تەلەجۇرگىزۋشى اللا كوۆالچۋكتىڭ جاڭا جىلدا «رەسەيلىكتەر ءۇشىن الىپ قويايىق» ءسوزى ۋكرايندىق الەۋمەتتىك جەلى قولدانۋشىلارىنىڭ نارازىلىعىن تۋدىردى دەپ حابارلايدى kp.ru.
ۋكرايندىق «ستب» ارناسىندا كورسەتىلەتىن «بارلىعى ءدامدى» اسپازدىق شوۋىنىڭ جۇرگىزۋشىسى جاڭا جىلدا سمارتفونىنىڭ كامەراسىنا مەرەكەلىك داستارحانعا دايىنداعان سالاتتارىن قالاي ازىرلەگەنىن ايتىپ، ءتۇسىرىپ جۇرگەن. سول كەزدە تەلەديداردان ءپۋتيننىڭ ءداستۇرلى قۇتتىقتاۋ ءسوزىن كورسەتە باستادى.
«رەسەيدە ءقازىر جاڭا جىل. ءبىز ەسكى ادەت بويىنشا جاڭا جىلدى رەسەيلىكتەرمەن بىرگە قارسى الامىز. جىلداعى ءداستۇردى وزگەرتپەيىك. رەسەيلىكتەر ءۇشىن الىپ قويايىق!» دەگەن اللا كوۆالچۋك.
ودان كەيىن تەلەجۇرگىزۋشى كۇلكىسىن ارەڭ تيىپ ۋكرايندىق ءانۇراننىڭ ءبىر شۇماعىن ايتادى. ال ۇستەل باسىندا وتىرعان قوناقتار بارلىعىمىز كەڭەس ۇكىمەتىنىڭ ادامدارىمىز عوي، ءبىر حالىقپىز دەپ ايتقان.
بۇل سوزدەر ۋكرايندىقتاردىڭ اشۋىن كەلتىردى. اللا كوۆالچۋككە قاراتا ءتۇرلى نارازىلىق سوزدەرى ايتىلدى. ونىڭ جۇمىستان شىعارىلۋىن تالاپ ەتتى. اللا كوۆالچۋك نارازى توپقا ارناپ بەينە جازبا ارقىلى جاڭا جىلدا ايتقان سوزدەرىنىڭ استارىن ءتۇسىندىردى.
،
