ال-كايدانىڭ ولتىرىلگەن بۇرىنعى ليدەرى ۋساما بين لادەننىڭ ۇلى حامزا بين لادەن اقش تاراپىنان «عالامدىق لاڭكەس» رەتىندە جاريالاندى. بۇل تۋرالى CNN تۇرىك قىزمەتى جازدى.

جيىرمانىڭ ىشىندەگى حامزا 2015 جىلى ال-كايدا مۇشەسى بولعان. ول اكەسىنىڭ ورنىن باسۋى مۇمكىن ەكەنى ايتىلىپ كەلگەن.

ول ال-كايدا مۇشەسى بولعالى بەرى قاراي تەرروريستەردى باتىس ەلدەرىنىڭ استانالارىنا شابۋىل جاساۋعا شاقىرىپ كەلەدى.

اقش حامزانى تەك تەرروريست رەتىندە جاريالاپ قانا قويماي، قانداي دا ءبىر امەريكا كومپانيالارىنىڭ، ونىمەن جۇمىس ىستەۋىنە، مۇلىك الماسىنا، ساتپاسىنا تيىم سالدى.

ۋساما بين لادەن مەن كايرياح ساباردىڭ ۇلى حامزا اكەسى مەن شەشەسى 2011 جىلى پاكىستاندا قولعا تۇسكەندە ۇيدە بولماي شىققان.  ۋساما بين لادەننەن كەيىن ال-كايدانىڭ ليدەرلىگىن ەيمەن ال-زەۋاحيري قولىنا العان بولاتىن.  

تاياۋ شىعىس ساياساتى تۋراسىنداعى مامان پروفەسسور فاۆاز دجەردجەس تامىز ايىندا حامزا بين لادەندى «ال-كايدانىڭ جاڭا بەت-بەينەسى، حاريزماتيكالى ءارى ۇيىم ىشىندە تانىمال» دەگەن ەدى.

ال-كايدانىڭ 2015 جىلى جاريالانعان داۋىس جازبالارىندا حامزا كابۋل، باعدات جانە گازاداعى مۇريتتەرىن ۆاشينگتون، لوندون، پاريج جانە تەل-اۆيۆتە شابۋىلدار جاساۋعا شاقىرعان بولاتىن.

اقش جاريالاعان «جاھاندىق لاڭكەستەر ءتىزىمى» امەريكالىقتاردىڭ قاۋىپسىزدىگى مەن ەلدىڭ ۇلتتىق قاۋىپسىزدىگىنە قاتەر توندىرگەن لاڭكەستەردى قامتىعان.

تىزىمگە يرلانديانىڭ رەسپۋبليكالىق ارمياسىنىڭ (اير) مۇراگەرلەرى جانە دايش سياقتى لاڭكەستىك توپتاردان مىڭداعان ادام كىرگەن.