5 قاڭتاردان باستاپ كينوتەاترلاردان كورسەتىلىپ جاتقان "الماس قىلىش" ءفيلمىنىڭ قازاقشا نۇسقاسىنىڭ كورسەتىلىمى كوبەيگەنىن قۋانا حابارلايمىز. كەشە عانا كورەرمەنگە جول تارتقان اتالمىش ءفيلمنىڭ قازاق تىلىندەگى سەانسى از ەكەنىن جانە ونىڭ ءوزى كۇندىزگى ۋاقىتقا قويىلعانىن "قامشى پورتالى" جازعان ەدى. "الماس قىلىشتى" تۇسىرگەن "قازاقفيلم" اق پەن كينونى پروكاتتاۋمەن اينالىساتىن «Sulpakcinema» كومپانياسى كينوتەاتر باسشىلارىنا ءفيلمنىڭ قازاقشا نۇسقاسىنىڭ كورسەتىلىمىن ارتتىرۋدى سۇراپ حات جولدايتىندارىن ايتقان.
بۇگىن «الماس قىلىش» ءفيلمىنىڭ قازاق تىلىندەگى سەانستارى 18-دەن 30-عا كوتەرىلدى. بارلىعى 83 سەانستىڭ ىشىنەن تەك 30-ى قازاق تىلىندە كورسەتىلگەنى ازدىق ەتەدى ارينە. دەسەك تە، جاعىمدى وزگەرىستەر ورىن الدى. كەلەشەكتە بۇدان دا جاقسى ناتيجەلەرگە قول جەتكىزەمىز دەپ ۇمىتتەنەمىز.
